NANA JACOBI

Ukioq 2023 Nana Jacobi-mut aallartilluavippoq: Danmark-imi nipilersorneq pillugu atuagassiat annersaata GAFFA-p saqqaaniippoq, iluanilu takisuumik assitalersukkamik allaaserineqarluni. Taanna ataatsimik saqqumersitsinikuuvoq, musikvideomillu ataatsimik suliaqarnikuulluni ataasiarlunilu tusarnaartitsinikuulluni. Nana ukioq manna SPOT Festival-imut peqataassamaarpoq. 2022-mi oktobarip 25-anni albummeq 'Elvira Sange' (Viaplay), TV-kkut aallakaatitassiap ´Elvira´-p erinarsuutitaanik 18-inik erinarsuutitalik saqqumersippaa. Taanna pillugu GAFFA allappoq: "Elvirap erinarsuutai Nana-p torrallavippai" kiisalu "Pop-imik nipilersukkat sakkortuumik uteqattaagassiallit nuannarineqarsinnaanerat Jacobi-p naqissuserpaa". Albummimeersut taakkua nipilersugasserisunit atorneqaqaat kiisalu DR P4-mi kiisalu DR P6Beat-imi immikkut aallakaatitassiarineqarnikuullutik. 2021-mi februaarimi Magnet Sky saqqummerpoq. Albummimi tassani erinnat arlallit P6-Beat-imi nuannarineqarnerpaatut nalilerneqartarput, tusarnaarneqarnernut ilanngunneqartarlutik, pitsaanerpaatut nalilerneqartarlutik, tusagassiorfinnit malinnaaffigineqaqalutik, Go' Morgen Danmark-imi, DR2-mi, kiisalu TV2 Nyhederne nipilersorfigisarlugit, atuagassiat GAFFA-p aamma Soundvenues-ip ukiup ingerlanerani pikkunarnerpaat ilaannut inissillugit. Arnanut erinarsuut sallaatsoq 'Hold Dit Hjerte Blødt', Annika Aakjær-ip Jeanett Albeck-illu erinarsornikuusaat, tusarnaartunit tusagassiorfinnillu maluginiarneqarpoq, tusartualigassatsitullu nalilerneqarluni.