Ullut

Sumi: Paarlersuaq
Ulloq:
Pisigit

“Imarsuullu aallaavimma, qangattarteqaa nuiaq, tuppat imissuara, inuussutigissuara”.

Inneruulat, ukiut 45-it matuma siorna aallartikkamik angutit inuusuttut, inuuttaruttornerit sisamat, nipilersuutiminnut pikkorissut, nuannersumik pikkunartumillu tusartitsipput, maannamullu nuannarineqarnerat allanngorani suli ingerlavoq.

Inneruulat aallarteqqaarnerminniilli ilisarnaatigaat erinnanik nuannersunik, tusaqqooruminartunik, taallanik aliikkutaasiaannaanngitsutut suliaasunik, erinarsoqataaffigalugit peqataaffigiuminartunik, qiimasumillu nipilersorneqartunik atuisartuunertik.

Taallat, nalitsinni inuunitsinnut nunatsinnilu atukkatsinnut naleqquttut, aamma inuunitsinnut tunngatillugit oqariartuuteqartut ilisarnaatigaat, taallallu ilaat ukiunik 45-nik ‘pisoqaassuseqaraluarlutik’ suli ullumikkumut naleqqulluinnartumik oqariartuuteqartut tusaasinnaajuarpangut. Inneruulat taamaakkamik nutaanngilisussaanngitsutut ingerlajuarput, nuannarinnittaallu aallaat tassaalerput kinguariit arlallit ingerlaneranni aalajaallutik nuannarinnittuusut.

Nipilersoqatigiit ukioq manna ukiunik 45-nngortorsiorneranni tusarnaartitsinermi Angut Clasenip, Kaaleeraq Reimerip kiisalu Leif Saandvig Immanuelsenip nipilersortartut pikkorissut nipilersoqatigissuaat, tassaassut Pele Kaspersen, Viila Sandgreen aamma Nukannguaq Sandgreen.

Arqaluk B. Johansen-ip Inneruulat pillugit allataa.

Paarlersuarmi tusarnaartitsineq
5. November 2021
Matut ammassapput nal.21.00
Tusarnaartitsineq: Nal. 22.00
Isersinnaasut ukiui: 18+

Pisiaarnermi: 250 kr. 
Isilernermi: 300 kr.