Katuap inuuissiornerani nalliuttorsioqatiginiartigut!

Katuap ukiut 26-nngortorsiorneranut atatillugu ilaqutariinnut tusarnaartitsissapput Juaaka & Friends. Nuannersumik ullorsioqatigisigut kaagisorlusi nipilersortunillu tusarnaarlusi.

Nipilersortartoq Juaaka:

Juaakap erinarsuusiani siulleq allappaa 1969-imi quiasaaraluni isiginnaartitsissusiamut Mik Mak-imut Nuummi kolligiami takutinneqartumut. Tamatuma kingorna erinarpassuanngorput, meeqqaanut erinarsuutit, erinarsuutit politikkimut tunngasut aamma asanninnilersaarutit. 1968-imiilli Juaaka Nuummi kolligiasalimi katersortarfimmilu nipilersortalerpoq, kingorna Uummannami Danmarkimilu qitittunut nipilersortuusarluni. 1978-imi lp-liaa siulleq saqqummerpoq “Kalaaleqatikka”. 1979-imi meeqqanut lp-liaq FAM saqqummermat Juaaka Uummannarmiullu meeqqat erinarsuutinik puijunaatsunik arlalissuarnik ilaatitaqarput. 1984-imi Juaakap nipilersuusiani torrallalluarnerpaallugu suliaa ‘Oqaluttuat/fortællinger’ saqqummerpoq Aasivik-band nipilersortoralugit. Kingorna 2017-imi taanna isiginnaagassianngortinneqarpoq “qaammatip erneranik” atserlugu. Lp-it kingorna arlaleriarlutik saqqummersinneqaqqittarput aamma CD-ngorlugit. 2012-mi Juaakap saqqummersippaa CD ateqartoq ‘Naasumik Paju’ – asanninnilersaarutaannarnik imalik. 2009-imi Juaaka Koda immikkut illuinnartunik erinniortunut nersornaasiuttagaannik nersornaaserneqarpoq.

Ukiorpassuarni nipilersortartuunermini Juaaka nunarput tamaat Danmarkimilu nipilersorfigereersimalerpai, aamma Canadami, Savalimmiuni, islandimi, Norgemi, Samet nunaanni, Tysklandimi Mexico-milu tusarnaartitsisarsimalluni. Juaaka 70-inik ukiulik suli uumalluni nipilersortartut akornanni ‘oqaluttuassartarpassualinnut ilanngutereernikuuvoq’.



Ullow: Februarip 15-at 2023
Piffissaq: Nal. 16:30 - 17.30
Sumiiffik: Paarlersuaq
Akia: Akeqanngilaq
Aningaasaliisut: Napa, Grønlandsbanken, Bank Nordik, Brugseni, Tusass, Royal Arctic Line, Air Greenland
Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu