Koda Awards 2023

Ullut

Sumi: Hans Lynge Sal
Ulloq:
Pisigit

Koda Awards 18. februar ingerlanneqalerpoq

Nunatsinni nipilersornerup silarsuaani ukioq 2022 saqqummersitat pillugit nalliuttorsiutigineqassaaq Nuummi Katuami Kodap ukiumoortumik nersornaasiinissaani 18. februar ingerlanneratigut.

Kodap 1991imili nunatsinni taalliortut erinniortullu nunatsinni anersaakkut pisuunngorsaataanerisa nalluittorsiutigineqartarnera pisalerpoq. Siornatigut Grønlandsprisenimik taaguuteqartinneqarsimavoq.

Nersornaat siullerpaaq 1991 pisoq Kodap kalaallit inuusuttut eqqumiitsuliortut nersornaataatut taaneqarsimavoq. Nersornaat nipilersortartumut taalliortumullu Ole Kristiansenimut tunniunneqarpoq. Taassumali kingorna ukiumoortumik nersornaasiisarneq ataavartumik ingerlanneqartalersimavoq, ukiunilu kingullerni Koda Awardsimik taaguuteqalersimalluni.

Ukioq manna nersornaasiissutaasussat tassapput Ukiumut Nersornaat taavalu Ataqqinaammik Nersornaat.

  • Ukiumut Nersornaat tunniunneqassaq taalliortumut/erinniortumut ukioq 2022 saqqummersitanit pitsaanerpaatut nipilersortartunit tusarnaartartuniillu naliliisartunit naliligaasumut
  • Ataqqinaammik Nersornaat taalliortumut/erinniortumut taalliamigut ukiullu ingerlaneranni nipilersortartutut suliaqarnermini kalaallit nipilersornikkut ineriartornerannut sunniuneqarteqarluarsimasumut tunniunneqassaaq.

Ukiumut Nersornaaserneqartussatut piukkunneqartut Koda Awards pinnginnerani nalunaarutigineqarumaarput.

Unnuup ingerlanissaa

Koda Awards Katuami Inersuaq Hans Lyngemi ingerlanneqassaaq arfininngorneq 18. februar 2023 nal. 20.00 aallartittumik. Matut ammarneqassapput nal. 19.00. Isissutissat qupperneq www.katuaq.gl aqqutigalugu pisiarineqarsinnaassapput. Unnuup ingerlanerani Nathan Kreutzmann saqqummiisartuussaaq.

Koda Awards KNR-Tvkkut toqqaannaq aallaakaatinneqassaaq nal. 19:45.

Naliliisussat

Ukioq manna naliliisussat ukuupput:

  • KNR Maali Hermansen
  • Katuaq Jakob S. Skovaa
  • Nunatsinni Nipilersortartut Georg Olsen
  • Nipiaa Rock Festival Peter Kleemann
  • Koda Laura Lennert Jensen

Koda Awards pillugu

Koda Awards nersornaasiissutaavit Kalaallit Nunaannut Kodap Kulturikkut aningaasaalissutai aqqutigalugit. Taakku uani immikkut atuarsinnaavatit. 1991imili nersornaaserneqarnikut ugguuna takukkit.