Ullut

Sumi: Paarlersuaq
Ulloq:
Pisigit

Muusi

Moses Danielsen kisimiilluni ukioq 2020 naalersoq saqqummersitsivoq iTunes, Spotify aamma Apple Music aqqutigalugit. Taalliani erinnianilu siammasissumik oqariartuuteqarnissaat eqqarsaatigereerlugu saqqummersitsinialersimavoq. Suleqateqarluni immiussinerit nipigissaanerillu nammineq angerlarsimaffimmini suliarinikuuaat erinnallu 12-it maannamut saqqummersillugit. Muusi nunatta avannaani Kullorsuami ulluinnarni najugaqartuuvoq Upernavimmilu Upernaviullu pigisaaniittut nunaqarfiit appisimaariarfigisarsimallugit. Ilaatigullu Ilulissat, Maniitsoq aamma Qaqortoq tikittarsimavai.

Siornatigut Muusi nipilersoqatigiinni Asimiut-ni ilaasimavoq - pattattuulluni tulleertuullunilu - 1990-ikkut naalersut saqqummersitseqatigalugit.

Katuami nipilersoqatigissavaa tulleertoq guitarertorlu Jens Gustav Levisen.

Ullorissat

Mads Grønvold 1970-ikkunnili nipilersortartutut ilisimaneqalerpoq, inuusuttuararsuulluni KNR-ip radioatigut ”Piginnaanillit qaagitsi” aqqutigalugu illoqarfigisami Qasigiannguit avataanni nipilersukkanik tusaruminartunik tusaqqoornartunillu erinniortarnini taalliortarninilu tusaamasaassutigilerlugit. Ukiut ingerlanerini nipilersoqatigiit pilersitani ”Ullorissat” peqatigalugit nuannarineqarluartunik saqqummersitsillattaarnikuuvoq, kingullermik 2021-mi CD ”Uangaana” Ullorissallu saqqummersippaa.

Mads Grønvold kulturikkut malunnaatilimmik suliniuteqarsimasutut, ”asanninneq, misigissutsit, pinngortitaq ikinngutigiinnerlu” pillugit erinarsuusiortarnini Namminersorlutik Oqartussanit 2021-mi nersornaatisissutigaa, soorlu aamma kommunerisamini taamatut 2020-mi nersornaasigaasoq.

Nal. 20:00
Akia: 300 kr. (Matumi 350 kr)

Akia tallimanngornermut, arfininngornermullu: 500 kr.
Weekendi naallugu bilitsit saaffiginnittarfimmi pisiarineqarsinnaapput.
Tallimanngornermi pisussat pillugit uani paasisaqarnerugit.
VIP lounge: 3000,-
Isersinnaasut ukiuinut killissarititaq: ukiut +18