NANOOK & Ole Kristiansen

Nanook

Nanook, qaqutiguinnaq Nuummi tusarnaartitsisartoq annertuumik ukiut ingerlanerini nipilersugarpassuamigut tusaamaneqaateqalersimasoq maanna Katuap paarlersuani tusanaartitsinissaminut atugassarilerpai saqqummersitsisimasaminit tallimaasunit immikkut toqqakkat. 

Nipilersoqatigiittut ukiuni 15-ni nipilersoqatigiinnerminni allanut sanilliullugit annertuumik angalasarsimapput aammalu saqqummersitai albummit tallimaanngorsimallutik. Saqqummersitaannit marluusut akissarsissutigisimavaat aammalu 2017-mi nipilersoqatigiit Nunat Avannarliit Nipilersornermut Akissarsiaritittagaannut nunat tamalaat akornanni suliatut aammalu nipilersukkanik naliliisartunit nuannarineqarnertik pillugit innersuunneqarsimapput. 

Kalaallit Nunaanni sineriak tamakkerlugu arlaleriarlutik angalaartareernemik saniatigut nunatta avataani nipilersorfinni annikinnerusuni annertuunilu appisimaartarsimapput; Kennedycenteret i Washington DC i (US), O-West i Tokyo (Japan), Roskilde Festival (DK) samt Iceland Airwaves Festival (ISL) appisimaarfigisimasaasa pingaarnerit ilai taaginnarlugit. 

Nipilersoqatigiit 2016-mi Japanip saqqummersitsisarfiisa annerpaat pingajuanik saqqummersitsinissamut isumaqatigiissuteqarsimapput taassumalu kingorna Japanimi tusarnaartitseqattaarnernik pingasunik nassataqarsimalluni. Kingorna tusarnaartitsiffigineqartut tassaapput Canada, Spanien, Taiwan nunallu avannarliit. Nipilersoqatigiit Nanook kalaallisuinnaq erinarsortaraluartut taamaattoq CD-liai aammalu nuussualiai 25.000-nngorlutik tunineqarsimapput aammalu aqqutit assigiinngitsut aqqutigalugit 5 millioninit streamserneqarsimapput, nunatsinni nuannarinnilluartut avataatigut nunani allani nuannarinnilluartut amerliartuinnarput. 

Nipilersoqatigiit Ole Kristiansen peqatigalugu tallimanngorneq novemberip 3-ni atortakkaminnit nuannarineqarluartut qanganisaanerulaat nutaanerillu appisimaarnissaminni immikkut nuannerluinnartumik tusarnaartitsissutigissuai.

NANOOK-kip erinarsuutai nutaanerusut:

https://www.youtube.com/watch?v=zDFMIzUR7WI

https://www.youtube.com/watch?v=e9OKjzImlDk

Ole Kristiansen

Ole Kristiansen 1989-miilli 8-nik saqqummersitsisimavoq, kingullerlu saqqummerpoq 2021-mi (Qilaatinga) Ole Kristiansen Band peqatigalugu (Ole Kristiansen) 1990-miilli Kalaallit Nunatsinni tamani tusarnaartitsisarsimavoq Danmarkimilu festivalini anginerusuni appisimaartarsimalluni ( Roskilde festival og Rock ́n europe, il.il.) Ole Kristiansen ukiut ingerlanerini arlalinnik nersorniarneqartarpoq, soorlu Kodaprisen (1991 nersorneqartutut siullertut) immikkullu nersugassatut 2009-mi nersorneqarluni. 2015-mi Kraks Blå Bog-mi nalunaarsorneqalerpoq.  

Saqqummersitseqqaarnerminit kinguaariit arlariit maanna Ole Kristiansenip taalliai/nipilersugai silarsuarminni nutaaliatut oqariartuutigeriaatsimittut atugarilerpaat.

Aningaasaliisut: Grønlandsbanken, Bank Nordik, Brugseni, Tusass, Royal Arctic Line, Air Greenland