Ullut

Sumi: Hans Lynge Sal
Ulloq:
Pisigit

Aasaq 2022-mi Nordisk Koncertkor Íslandimi erinarsoqatigiilluni naapeqatigiinnersuarmut ”Nordklang”-imut peqataavoq, angerlamullu ingerlaarnerminni Københavnikkooramik aamma Nordatlantens Bryggemi tusarnaartitsipput. Nipilersuutit nuannersut naapeqatigiinnersuarmi pissarsiarisimasaat tusarnaassallugit maanna periarfissaqalerpoq.Tassami Katami Hans Lyngep inersuaani tusarnaartitsissapput. Tusarnaartitsinissaq juullimut qanittuummat juullerpaluttut tusarnersut aamma tusarnaartitsissutigissavaat.

Tusarnaartussat “Juullip qaamanera – Avannarliit erinaataat” qulequtaralugu tusarnaagassinneqassapput, Nordisk Koncertkorillu ileqqua malillugu kalaallisut, qallunaatut, íslandimiusut, finlandimiusut, svenskisut tuluttullu erinarsortoqassaaq, Nunani Avannarlerni erinaativut assigiinngiiaartut tusarnaartikkusuppavut.

Katuami tusarnaartitsisoqassappat, pitsaassuseq pikkorissuunerlu avaqqunneqarsinnaanngillat. Tamanna pillugu nunaqqativut nipilersortartut nipilersornikkullu misilittagaqarluartut Jim Milne noqartilimmik pattattoralugu, Fabrizio Barzanti bassertoralugu Jonas Nilssonilu tumerparpaartoralugu ingiortiserisimavagut. Siusinnerusukkut ileqqutsitut, nipilersornikkut aqutsisuusartoq eqqumiitsuliornermilu suliaqarnikkut ingerlatsisartoq pikkorissoq Bente Colding-Jørgensen, Danmarkimiit tikisillugu workshopertitsisissavarput, erinarsoqatigiit nipilersortullu sungiusaqatigereerunigit tusarnaartitsinermi aqutsisuussaaq.

Tusarnaartitsinerup qiterissavai Nordisk Koncertkor, tulleeriillutik erinarsoqatigiittartut Nuummiittut. Erinarsoqatigiit katillutik 30-nik erinarsortoqassapput. Nipilersoriaatsit klassiskiusut, aalajangersimasumik ingerlaasillit allat aallaavigalugit tusarnaartitsissapput, erinarsoqatigiit qitiusumik naleqartitaraat kulturikkut nipilersornikkullu assigiinngiiaartuunissaq. Erinarsoqatigiit erinarsoriaatsit assigiinngitsut misilittarlugit suliaqartarput, namminneq ineriartuutissaminnik nipilu tunaartarisagartik ineriartorsinnaaqqullugu. Erinarsoqatigiit Kalaallit Nunatsinni tusarnaartitseriaatsip assigiinniiaartunik pitsaasunillu nipilersoriaaseqartumik imaqarluarnissaa pingaartitaraat.

Iserneq: 75 kr

Tamaani nittartakkami pisiarineqarsinnaavoq, imaluunniit saaffiginnittarfimmi .

Qilanaaqaagut!