Pan Arctic Vision

 

 

Issittumi eqqumiitsuliortut qulit
Issittumi erinarsuutit qulit
Issittumi inuiaqatigiit qulit
Issittumi tamani takorluugaq ataaseq

Oqaluttuarisaanermi siullerpaamik! Ilumoortumik nunat tamat peqataaffiat, killeqarfiit akimorlugit niperujoornermik ileqqut, inuiaqatigiillu patajaallisaaffiat: Pan-ArcticVisionimut / Issittumi tamani takorluukkamut tikilluarit – Issittoq pillugu Eurovision-ikkut takutitassiaq! 

Issittumi pissutsit peqqarniittuaannarnikuupput.

Avannaarsuani nujuartat akornanni, alianaatsumi tupinnaannartut pisarput. Maannalu misilittaaffimmut nutaamut tikulluaqqorusuppatsigit - Issittumi eqqumiitsuliortut qulit Issittumi inuiaqatigiinnit qulineersut (Alaska-miit Kalaallit Nunaat aqqusaarlugu Båtsfjord tikillugu) ataatsimoorlutik erinarsugassiat qulit erinarsussavaat, Issittormiut tusarnaartoralugit - Taama ittumik siornatigut pisorqarnikuunngilaq - Assagut peqillugit qullarlugit Issittumi takorluugaq nutaaq ataqqiniartigu - Issittormiut erinarsornitsigut kattutta!

 

Tunuliaqutaa

Nunarsuup assinga qierloorlugu eqqarsarnarsinnaavoq, Issittoq nunaqarfissuit sinaanni sukkut tamaana qaqortoqallattaartoq; attaveqarfilersugaanngitsoq, pingaaruteqanngitsoq, inoqanngitsoq. Piviusorli tassaavoq, nunap immikkoortortai innuttaasullu nunamik inissisimanerisigu, kulturimikkut politikkikkullu iminnut atassuteqaqatigiittarput. Issittormiut oqaluttuarisaanikkut nunamillu inissisimaffiat tunngavigalugu nunarsuatsinni politikkikkut assigiimmik aallaaveqarluta: Taakkua tamarmik naalagaaffinnut kujataaniittunut

nutaalianut atasuupput, kujataani illoqarfittut pingaarnersalinnut. Politikkikkut pissaaneqarfik kujataaniippoq, aningaasaqarnikkut pissaaneqarfik kujataaniippoq, aalajangersuinissamut pissaaneqarneq kujataaniippoq.

Issittumi paasissutissiisarneq atassuteqarniartarnerlu naalagaaffiup iluani avannaaniit kujataanut ingerlasuuvoq. Kangianiit kitaanut attaveqarneq ullutsinni ingammik killeqarpoq, nunat tamat ullumikkut politikkikkut Avannaarsua kingumut pingaartinnerulermassuk. Politikkikkut kulturikkullu ingerlatsiviit suleqatigiinneri atorneqarunnaarput, nunat killeqarfii matoorarnikuullutik kiisalu Rusland nunanit tamanit suleqatigineqarumajunnaarluni.

Issittumi immikkoortortaqarfiit aamma allamik suli unammilligassaqarput: Olympiade-ni imaluunniit Eurovision-imi peqataatitaat namminneq erfalasutik atoqqusaanngilaat. Sunut tamanut atatillugu Issittumi inuiaat nunallu ilaani assigiinngitsuni immikkoortortaanneersuusugut atassuteqaqatigiittarnitsigut suleqatigiinnerput patajaallisartariaqarparput.

Pan-ArcticVision tassaavoq tamatumani pisariaqartitarput; Issittumi taaneersut kateriisillugit ataatsimut angusassillugit suliniut nutaaq, nunap inoqqaavi nunallu inoqqaaviginngikkalui ataatsimut erinarsoqatigiillutik Issittumi tamani kinaassuseq inuiaqatigiillu nukittorsaqatigiillutik patajaallisaaqatigiiffiat. Pan-ArcticVision-imi qanorluunniit isummersornerit, taalliornerit erfalasullu tamarmik tikilluaqqusaapput – oqaatsit ukua sinnerlugit: Pan-ArcticVision - song, community, independence! Issittumi tamani takorluugaq – erinarsuut, inuiaqatigiit, kiffaanngissuseq!

Pan-ArcticVision eqqumiitsuliornermut atatillugu aammali Avannaarsuani pissutsit ilumoorussamik naapertuilluarnissamut suliniutigalugu pilersinneqarpoq. Siullerpaamik taanna inoqarfeeqqami Vadsø-mi (Norge), allorniusat sanimukartut 69-ianni, aggustip 12-ianni 2023, Varangerfestival-ip ingerlanerani ingerlanneqassaaq.

Tamanna Issittummi sumiiffinnut assigiinngitsunut nuuttarlugu ukiut tamaasa ingerlanneqartalissanersoq takujumaarparput. Anguniakkat upperiuminaatsut una ilagiinnarpaat, Issittumi piffissani sumiiffinnilu assigiinngitsuni periarfissat sunniuteqarluarsinnaasut ilagiinnarlugu.

 

 

Kalaallit Nunaaninngaanniit ilaasut, NUIJA

 

Pilersitsisut:

Pan-ArcticVision isumassarsiarineqarlunilu pisiviusunngortinneqarpoq NORDTING - The Northern Assembly – eqqumiitsuliortut Issittumi eqqumiitsuliornerup patajaallisarneranik suliallit suleqatigalugit.

————-

Pilersitsisoq:

Hege Pålsrud hegepalsrud@gmail.com
Phone: +47 952 69 965

Eqqumiitsuliornikkut pisortaq:

Amund Sjølie Sveen amund@nordting.no
Phone: (+47) 95106322

Pilersitsisooqataasoq:

Varangerfestivalen, Vadsø (NO)

Suleqataasut:

- Anchorage Museum, Alaska (AK, US)

- Yukon Arts Centre, Whitehorse (YU, CA)

- Music Yukon, Whitehorse (YU, CA)

- Katuaq, Nuuk (GL)

- Nordens hus, Føroyar (FO)

- Hiljaisuus ry, Kaukonen (FI)

- Pikene på Broen, Kirkenes (NO / RU)(contact to Russian exile artists)

Tapersersuisut:

- Norwegian Arts Council

- Nordic Culture Fund

- Nordic Culture Point

panarcticvision.org https://www.facebook.com/panarcticvision/ https://www.instagram.com/panarcticvision/