Ullut

Sumi: Paarlersuaq
Ulloq:
Pisigit

Small Time Giants  Kalaallit Nunaanni tusarnaartitsillaqqinnerpaat ilaattut nalilerneqartarput. Nipilersugaat rockiupput siammasissuseqartut piviusumik nipilersukkatut tillerneqqartuusut. Nunatsinni nunanilu allani tusarnaartitsisarneri pitsaalluinnartutut nersualaarneqartarput, nipilersoqatigiillu tunniusimallutik, tupaallannartunik akunnilersuillutik pissusilersorlutillu tusarnaartitsisarput. 2019-imi oktoberip qaammataagaa nipilersoqatigiit saqqqummersippaat erinaq ateqartoq ”Animals”, CD-liornissaannut soqutiginarsaarutitut.  
Katuap paarlersuani tusarnaartitsilerunik nipilersoqatigiit CD-nngorlugu saqqummertsitassaminnik erinnat qilanaarineqartut siullermeersumik tusartissavaat.

Rockstones  siullermik saqqummiussaqarput 2015-imi upernaakkut, taasaminnik 'Qilammi Ungasissumi'. Tamatumalu kingorna nipilersoqatigiit sineriatsinni illoqarfinni Danmarkimilu amerlasuunik tusarnaartitsisarsimapput. Saqqummiussaasa aappaat ’Inatsisit Nutaat’ 2017-imi ukiakkut saqqummersinneqarpoq.

Rockstonesikkut peqquteqavissumik ukiuni marlunni kingullerni tusarnaartitsisimanngillat. Maannali piareerput Katuami tusarnaartitsinissaminnut. Tusarnaartitsinerminnullu tupaallaatissamik aggersaasimapput.