Ullut

Sumi: Foyer 100
Ulloq:

Nereqataanissamut isissutissat pisiarineqarsinnaajunnaarnikuupput - Tusarnaartitsinissamut isissutissat UANI  pisiarineqarsinnaapput

Katuami unnummut kujataamiorpalaartumut peqataajartorit. Illinnartunik pingasunik nerisassassiaqassaaq akussat pitsaanerpaat kujataaneersut atorlugit sanaat kingornalu nuannersumik tusarnaartitsisoqassalluni nipilersoqatigiit Qaqortumeersut Suernerit appisimaartoralugit. 

Suernerit tusaamasaassutigivaat festerpalaartunik qitinnartunillu appisimaartarfinni mikisuuni angisuunilu tusarnaartitsisarnerminut. Katerisimaartarfinni mikisuuniit Tivolimi Plænimut nipilersorfigisinnaasat sapinngilaat. Taalliaataani nuannarineqarnerpaat ilaraat Tallimanngornerit Tamaasa aamma Arnannguarmi Taanna inuppassuarnit erinarsoqataaffigineqartartut qitinneqartartullu. Nipilersornermik nuannarisaqarnertik nuannaartitserusuttarnerillu tusarnaarianit tamanit malugineqarsinnaasarpoq. Taamaallaat inunnut 100-nut inissaqaratta isertussagut qinnuigissavagut siusissumik isissutissanik pisiniaqqullugit.

Unnuk kujataamiorpalaartumut peqataanissamut periarfissaq kingulleq
Marlunngorneq novemberip 24-ani tusarnaartitsinermut nerinermullu isissutissat naggammik tunisaassapput. Nereqataaniaruit kingusinnerpaamik marlunngornermi isissutissannik pisereersimassaatit. Kingorna isissutissat taamaallaat tusarnaartitsinermut nal. 20.00 atuuttut tunisaalissapput.

Siuleqqat:

  • Arferup neqaa pujuugaq, salaatit Greenhouse-miit, uanitsut aappaluttut seernartulikkat & naasut akuleriiit

Nerisassat pingaarnerit:

  • Sava immiaaralerlugu siataq, gulerod kalaallit honningianik tanitaq, naatsiiat aserortikkat uanitsullu naasortaanik sikatsitat

Kinguleqqat:

  • Rabarbanik kinguleraliaq, mareng italiumiusut & nunatta paarnaanik akulerlugu