Katuap inersuaaraani / Katuaqs Lillesal
11. april 2019
Nal./Kl. 16.00 (Meeqqanut inuusuttunullu/Børn&unge) + Nal./Kl. 19.00 (Inersimasunut/Voksne)
Iserneq akeqanngilaq / Gratis Entré

Total Hip Replacement nipilersortartoqatigiiupput inuusuttut uummaarissut, tusarnaartitsinerit 200 sinnersimavaat nunanullu allanut angalasarsimallutik. Appisimaaraangamik nuannatsitsisaqaat, taamaakkaluartoq oqariartuutsiminnik pimoorussillutik tusarnaarianut tiguaallaqqissuullutik.

Nipilersortartoqatigiit Gaffa Awards 2019-mut “Ukioq una Danskit nipilersortartut nutaat”-tut innersuunneqarsimapput, immikkuullarissumillu uummaarissumik tusarnaartisisarnertik malunnaatigisimallugu, soorlu SPOT Festivalimi, Skanderborg Festivalimi Iceland Airwaves-imilu.

Nipilersortartoqatigiit nipilersortariaatsit reggae, funk afrikansk highlife, Bob Marley, The Black Seeds, Fat Freddy Drop aammalu new zealandimi nipilersortariaatsit mutiusut isumassarsiorfigaat ataatsimoortillugillu.
EP-t marluk nuannarineqarluartut (Keep the Fire Alive 2015 aamma A New Generation 2016) saqqummersereerlugit nipilersortartoqatigiit siullermeerlutik april 2018-imi albumimik saqqummersitsipput.
Nipilersortartoqatigiit kingumut produceri Dennis Ahlgren, Tina Dickowip Vincent Van Go Go-illu suleqatigisartagaat, qanimut pikialaartitsillutik suleqatigivaat.

Nipilersortartoqatigiit immikkuullarissumik Afrikamut attuumassuteqarput arlaleriarlutillu Ghanaliartarsimallutik, ilaatigut appisimaartarsimallutik festivalini, atuarfinni, tv-kkut isiginnaagassiani, taamaalillutillu ghanamiunit uummaarissumik nipilersortartunit isumassarsiortarsimallutik. November 2016-imi nipilersortartoqatigiit Tanzaniamukarsimapput, taamanilu nuannarineqarluarnermik kinguneranik festivalinut angisuunut arlalinnut qaaqquneqarsimallutik. Taamaalillutik november 2017-imi Kenyami, Tanzaniami Zanzibarimilu angalasimapput quleriarlutillu appisimaarsimallutik. Ukioq 2018-imi angalaqqissimapput Ghanamut, Finlandimut Islandimullu.

Ukioq 2019 THR Danmarkimi, Kalaallit Nunaanni, Savalimmiuni Islandimilu festivalini, nipilersortarfinni aaqqissuussanilu assigiinngitsuni tusarnaariarneqarsinnaapput.

Victor West Hosbond – Erinarsortoq Basunertorlu
Viggo Bandholm – Keyboardertoq
Carl West Hosbond – Guitar tulleertorlu
Anton Grøn - Bas
Alexander Dutschke – Tumerparpaat
Lasse Damsgaard – Saxofon
Nadia Safwat - Trompet

Gaffap Total Hip Replacement Folkemødet-mi imatut allaaserisimavaa:
”Saqqumersitaat siulleq siorna tusarnaaqqaarpara, isumalluarnaqaarlu, kingornali ineriartornerat tupinnaqaaq, pingaartorsiorpalaaratillu ataqqinnillutik caribiamiunit aallaaveqartunik funkyusumik akusanik taallanik sunnertinnartunik appisimaallaqqeqalutik” Gaffa
Gaffap Total Hip Replacement Skanderbog Festival 2017-imi.

Piginnaanilittut toqqagaaneranni imatut allaaserivaa:
”Appisimaarnerat nuannerluinnarpoq swingerluarlunilu, hookseqarluarlunilu Horneqarluarluni. Qularnarani ukioq manna tusarnaartitsineq musikalskiunerpaaq…Reggaertartut inuusuttut Aarhusimeersut appeqqaaramilli tusarnaariat tusarnaartitsineq tamaat tiguaqqavaat. Tusarnaartuulluni uninnganeq ajornaqaaq, kisianni qitilluni, siuttuallu pikkoringaarami.”Gaffa

”A New Generation” EP 2016 Gaffa ★★★★★
”Keep The Fire Alive" EP 2015 Gaffa ★★★★
”WonderWhy”Album2018Gaffa ★★★★

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu