Ullut

Sumi: Paarlersuaq
Ulloq:
Pisigit

Ukioq Manna Tusarnaartitsineq Kingulleq 2018
Kalaallit Nunaanni tusaamaneqarnerpaat ilaat INUK, Aalut, aamma Kimia peqatigalugit Ukioq Manna Tusarnaartitsineq Kingulleq Katuap paarlersuani ingerlanneqassaaq decemberip 28-ani. 

INUK
Nuuteeraliartik Aanngalerneq saqqummermalli INUK Kalaallit Nunaanni nipilersortartuni ulapinnerpaat ilagilersimavaat. Sumiiffinni amerlasuuni tusarnaartitsisaqattaarput, erinarsuullu nuannarineqarluartoq Oqaluttuannguaq assut qilanaarineqartarluni, taallaa imak nipilik tusaamaneqarlersimaqaluni: Delete Sletterlugu. 
Ukioq manna nuuteeqqamik saqqummersitsimapput, ateqartumik Qalipaatit, nuuteeraq qalipaatinik erinnanillu tusarnertunik ulikkaarpoq.

Nipilersoqatigiit INUK sukaruttorneranni Ukioq Manna Tusarnaartitsineq Kingullermi tusarnaartitsisut tusarnaariakkit, ataatartik Îsaavaraq Petrussen (Aalut) kissassiissutigilerunikku. 

INUK: 
Inunnguaq Petrussen 
Gustav Lynge Petrussen 
Kristian Herlufsen 
Piitannguaq M. Lennert

Aalut 

Nipilersoqatigiit ilaatigut nipilersoriaaseq oqitsoq reggae atorlugu nipilersullammaasut ukiorpassuarni ataqqisaallutik ulloq manna tikillugu nuanarineqartuartuupput.
Nipilersoqatigiit 1986-mili saqqummersitseqqaarnerminniik bandtimi peqataasut illoqarfinni assigiinngitsuni najugaqaraluarlutik 1988-ssimi saqqummersitsisarfik ULO aqqutigalugu saqqummersitseqqipput atsersimasaminnik ”Tunuartilerneq” 

Nipilersoqatigiit aassaq Kalaallit Tivolimi ulloqartinneqarneranni appisimaarmata nuannarineqarluarput, aralaqartullu isumaqarput aatsaat taama nuanertigisumik appisimaarfigineqarsimallutik.
Nuannaarutigaarpullu ukioq manna katuami appisimaartitsisarnerit naggaserlugit nipilersoqatigiit Aalut appisimaartorisinnaagatsigit.

Aalut: 
Îsâvaraq Petrussen 
Kristian Helmer Petersen 
Leif Saandvig Immanuelsen 
Inunnguaq Petrussen 
Nino Fencker 
Kristian Herlufsen 
Pilu Noahsen 
Tupaarnaq Ingemann Mathiassen

Kimia 

Nipilersoqatigiit pikkunartumik nipilersoriaaseqartut aammalu scenemi pissatsisimaarfiulluartumik appisimaarsinnaasut Kimia appisimaalerpata misigisassaq nuannerluinnartussaq peqataaffigissavat.
Kimia sumiiffinni assigiinngitsuni annikinnerusuni appisimaatareerlutik aatsaat taama scenemi angitigisumi appisimaassapput, 

Taamaammat katuamit nuannaarutigalugulu pissanngatigaarput Kimiakkut Ukiumi kingullerpaallutik katuami appisimaartussanngormata.
Nipilersoqatigiinni Guitarertoq Angunnguaq Larsen nalunaarpoq tusarnaatitsineq immikkuullarissuullunilu pissaganartuusoq, tassami Angunnguup oqarneratuut appisimaarneq tassaasussaavoq Angunnguamut inuussutissarsiutigalugu appisimaarneq kingullerpaaq.

Kimia: 
Mike Thomsen 
Angunnguaq Larsen 
Fabrizio Barzanti 
Kilaasi Møller 
Hasju Damgaard 
Nino Fencker

Paasissutissat
Ulloq: 28. november 2018  
Nal: 21.00 - 01.00 
Matut ammassapput: Kl.20.00 
Pisereernermi aki: 250 kr.  
Isilernermi aki: 300 kr.  
Ukiut: 18+