Ullut

Sumi: Paarlersuaq
Ulloq:
Pisigit

Zikazakkunni nipilersoqataasartut ukiut ingerlanerini amerlasimaqaat. Århusimi kalaallit ilinniartuinnagajaallutik 1985-imi nuussuaq siulleq ”Zikaza” saqqummersippaat.

”Miki goes to Nuussuaq” saqqummersinneqarmat nipilersoqatigiit allanngorsimapput ilaneqarlutillu qarlortartunik ”Harvey horns” nuussuarmik 1988-imi saqqumersitsinermi aamma ilaasut.

Nipilersoqatigiinni Zikazakkunni ilaasut ukuupput: Peter Jensen, Jakob Helmer Petersen, Kristian Helmer Petersen, Per Svensson, Siiva Fleischer.

Nipilersoqatigiinnilu erinarsortutut tulleertutullu ilaavoq arnaq inuusuttunnguaq Aviaja Lumholt, immikkullu immiusseqataasutut Kaaleeraq Hansen ilaalluni.

”Miki goes to Nuussuaq” tupinnaraluartumik 10.000 sinnerlugit tunissaavoq – qanga ullumikkullu nunatsinni innuttaasut amerlassusaannut naleqqiullugu tunisineq annertoorujussuaq.

Kingorna saqqummersitsinerni kingullerni marlunni ”Saava mumingalu” aammalu ”Assit” nipilersoqatigiit allanngortaqattaarsimaqaat.

Ukioq 2000-mi nipilersoqatigiit Zikazakkut unikkallarput, ukiumili 2006-imi Nuummi aallarteqqillutik, maannakkulli Nuuk angerlarsimaffigilerlugu, 1980-ikkunnili Århus angerlarsimaffiusoq taarserlugu. Maannakkut Zikakakkunni nipilersoqataasartut tamarmik allanik taarserneqarnikuupput - 1980-ikkunnili erinarsortuusartoq Siiva Fleischer kisiat pinnagu.

Februaarip tulingiluaani 2018 ”Miki goes to Nuussuaq” ukiut 30-t matuma siorna saqqummersinneqarnera  Katuami nalliuttorsiutigineqassaaq.

Ullumikkut nipilersortuusut: Titken Jakobsen, Nukannguaq Geisler, Nino Fencker, Hans Jukku Noahsen aammalu Siiva Fleischer, saniatigut tusarnaartitsinissami ilaassapput: ”Harvey horns”, tassaasut Kristian Helmer Petersen, Ole Himmelstrup aammalu Jeppe Barkmann. Aviaja Lumholt aammalu Peter Jensen soorunami aamma ilaassapput.

“Miki goes to Nuussuaq” tusarnaartitsinissami qitiujumaarpoq. Kisianni soorunami Zikazakkut allanik atortagaannik unnuk taanna Katuami aamma tusarnaartitsisoqassaaq.   

Hr. aliannaa - allarpassuillu unnuk taanna ilaassamaarput. Tusarnaariarniarisi – nuannanniartorsuuvugut.

Paasissutissat
Akia: Pisiaarnermi 250,- / matumi 300,-
Matut ammassapput: nal. 21.00 
Tusarnaartitsineq aallartissaaq nal. 22.00
15-17-nik ukiullit inersimasumik ingiaqateqarlutik isersinnaapput (uppernarsaaq eqqaamallugu)