Atuakkialeraluni unnussiuaarneq
Saqqummiisuussaaq: Konrad Nuka Godtfredsen peqatigalugu
Atuakkanik assitalersuilluni titartaasartoq KONRAD NUKA GODTFREDSEN peqatigalu.
Ataasinngorneq 27 februar.
Nal. 19.00 – 21.00
Iserneq akeqanngilaq.
Nuka Konrad Godtfredsen Nunatsinni Narsami 1970-imi inunngortoq titartaasartuuvoq ilioqqaasutut ilinniarsimasoq (grafiker).
Ilinniarnini naammassereerlugu titartaasartutut namminersortuujuarsimavoq. Assersuutigalugu Inerisaavik/Pilersuiffik titartaasututut 2001-2004-mut sullittarsimavaa. Suliniummilu SILA-mi 2007-imiilli suleqataalerpoq. SILA tassaavoq Danmarkip Katersusaasivissuata, Nunatta Katersugaasiviata Allagaateqarfiatalu suliniutaat 1999-imi aallartinneqartoq. Katersugaasivissuup Kalaallit Nunaanneersut katersaatitoqaasa Kalaallit Nunaanni Katersugaasivittaassamut atatillugu utertinniarnissaat siunertat pingaarnersaraat.
Suliniut aallartikkamili ilisimasassarsiorluni angalanersuartut issimavoq suliniuteqaammi arlalinnik ilisimatuussutsikkut paasiuminaassorisanik qujaalaavigisariaqarsimammat, soorlu inuup Kalaallit Nunaannilu pinngortitap suleqatigiinnerat qanoq oqaluttuarisaanermi itsaq qangaanerulaartumilu issimanera paasiniarneqarsimalluni.
SILA-mi ilisimatusartut (aamma ilinnialerlaat) utoqqasaat inuusuttullu suleqatigiinnissaat qulakkeerniarneqarsimavoq, pingaartumik itsarnisarsiuut, kisianni aamma allat, soorlu inuiaqatigeeriaatsinik kulturinillu ilisimatusartut (etnolog) aamma nunassisarsimanernik ilisimatusarsimasut (geograf) suleqatigineqarsimaqaaq.
Assaanerni nassaat katersallu ilisimatusaatitut allaaserineqarsimaqaat.
Nuka aamma Allakkerisarfeqarnermik Aqutsisoqarfik sullillugu frimærkeliaqarsimavoq 2006, 2010 aamma 2011-mi. Taakku saniatigut atuakkat allalissuit ilinniusiallu titartagartalersorsimasai arlaqaqaat.
Nukap Danmarkimi Katersugaasivissuarmik suleqateqarnera atuakkanik sisamanik – Nunatta oqaluttuarisaanera pillugu atuakkanik titartagartalersorluakkanik saqqummersitsinermik kinguneqarpoq, atuagaq kingulleq 2020-mi saqqummersinneqarluni.
Atuagaq siulleq ’Tutineq Siulleq/De Første Skridt’ Kalaallit Nunaannut nunassittut siulliit, nunamik tikitaminnik Grønland-imik taaguutileqartitsissunik, atuakkiaavoq. Tullia ’Ukaliatsiaq/Hermelinen’ 1100-kkunni pisimasuutitaavoq, tassani arnaq angakkoq Ukaliatsiaq inuttaalluni naggueqatigiinnik inunnik naapitsinera oqaluttuarineqarluni. Pingajuat tassaavoq ’Qileroq/Arret’ tassaalluni qallunaatsiaat Kalaallit Nunaannik qimatsilernerata nalaani pisimasuutitaq. Kingulleq ’Tunissut/Gaven’ Hans Egedep nalaani pisimasuutitaavoq ilaatigut inuit, arfanniat ajoqersuiartortullu oqaluttuarineqarlutik.
Paasissutissat internetikkut tigusaapput.
Aaqqissuisut: Kalaallit Atuakkiortut & Katuaq.
