Iserneq akeqanngilaq
Katuap inersuaaraani

Apeqqutit taakku Katuami isummersorfigineqassapput eqqumiitsuliortunit eqqumiitsuliornermillu suliaqartut. Nunatta Katersugaasivianiit Hans Lange Kalaallit eqqumiitsuliaat itsarnisat eqqartussavai suminngaanneernerilu sammissallugit. Eqqumiitsuliatut taaneqarsinnaanersut isummersorfigissavai. Kim Kleist Eriksen kalaallit ileqqui isumassarsiorfigalugit namminersorluni sanaluttartoq sanaani isumassarsiorfigisartakkanilu oqaluttuarissavai. Nuummi Eqqumiitsulianik Saqqummersitsivimmiit Nivi Christensen-ip 1850-kkut kingorna eqqumiitsuliat oqaaserlu ‘Eqqumiitsuliorneq’ pinngornera eqqartussavai. Kalaallit Nunaanni eqqumiitsuliornermi qalipakkat nutaanerit pingaarnertut sammineqassapput. Apeqqutit ‘suna eqqumiitsuliaava?’ aamma ‘Kalaallit eqqumiitsuliaat suuppat?’ oqallisigisassanngorlugit eqqartussavai. Eqqumiitsuliortoq ilitsersuisartorlu Inuk Silis Høegh eqqumiitsuliortutut sulinini oqaluttuarissavaa nunatsinnilu eqqumiitsuliorneq sumut ingerlanersoq isummersorfigissavai. Unnuk naggaserneqassaaq eqqumiitsuliornermut tunngasunik nalorsitsaarisoqarluni pinnatassaqarumaarlunilu eqquisunut pingasunut.

Aningaasaliisut: Grønlandskbanken




Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu