Kalaallit Nunaat nunarsarmi qeqertani annersaavoq - allaat annersaat aappaata pingasoriaatingajaanik annerulluni. Taamaammat ullutsinni sineriassuarmi inuit ilitsoqqussaat assigiinngeqaat. Nunatta kujataani inuit kaperlak inuuffigissallugu takorlooruminaatsittarpaat, killormullu avannaamiut nunatta kujataani aasami seqineq tarrilluni taarsisarnera ippigisinnaasarlugu.
Aaqqissuussaq Ileqquvut maajip 23-ani pisussami sammineqassaaq nunatsinni aasarsiortarneq. FN-ip suleqatigiiffia, UNESCO, nunarsuarmioqatigiinnut kingornussassanngortitsisarneq pillugu ataatsimiititaliap, Kalaallit Nunaata Kitaani Inuit Piniariartarfiat Aasivissuit – Nipisat nunarsuarmioqatigiit kingornussassaannut allattorsimaffimmut siorna ilannguppaat. Nunatta Katersugaasiviani itsarnisalerisoq Mikkel Myrup Kalaallit qanga piniariartarfigisimasaanni Aasivissuarni aasarsiortarnerat pillugu oqaluttuarluni aallarniissaaq.
Meeraanermi aasarsiortarnerit, ilaqutariinni ilitsoqqussat, namminerlu inuttut aasarsiornermi suut pingaartittarnerlugit saqqummiisussat assinik seqersitsillutik naatsukullammik sammissavaat.
Saqqummiinerit naammassippata saqqqummiisunut apeqquteqarnissaq ammajumaarpoq.


Saqqummiisussat:
Avanersuaq (Qaanaaq) - Aaqqioq Daorana
Tunu (Tasiilaq) - Kuannia Bianco
Kujataa (Narsaq) - Pustu Bjørn Chemnitz
Avannaa (Kitsissuarsuit) - Susanne Kjærulff
Nuuk - Ane Egede Mathæussen
Nunatta Katersugaasiviani itsarnisalerisoq - Mikkel Myrup
Aaqqissuussaq kalaallisut qallunaatullu ingerlanneqassaaq toqqaannartumik nutserisoqarluni.
Kissartutugassaqarumaarpoq.


Aningaasaliisoq: Grønlandsbanken

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu