Ileqquvut: Oqaatsit Ilitsoqqussat
Katuap oqaasileriffik suleqatigalugu ulloq 23. februaari Katuap inersuaaraani nal. 19.00 – 21.00 UNESCO-p ilitsoqqussaralugu oqaatsinut ullorititaa malunnartinniarpaat.
Tassani ukiuni untritilinni arlalinni kalaallit oqaasiisa ineriartornerat pillugu oqalugiarnerit pissanganartut tusarnaarsinnaavatit. Tassani kalaallit oqaasii suminngaanniit naggueqarnersut, Kalaallit Nunaata avannaaniit - qeqqaniit - kujataaniillu sumiorpaluutit assigiinngissutaat tusarnaarsinnaavatit.
Oqalugiartussat tassaassapput:
Tukummeq Qaavigaq, Beatrine Heilmann, Tikaajaat Geraa Kristensen, Tukumminngiaq Nykjær Olsen, Sørine Larsen, Pakkutannguaq Larsen, Elisabeth Levisen, Ida Mathiassen, Maria Kuitse aamma Pivinnguaq Mørch
