Nunatsinni attakut eqqakkallu
Ileqquvut
Kalaallit Nunaata inuisa qanga eqqagassanik isumaginnittarnerat qanormitaava ittuuva maannalu qanoq ippa?
Tamatumuuna attat eqqakkallu sammissavagut.
19.00-20.30
Katuap Inersuaaraa
Pingasunngorneq 29.3.2023
Ileqquvut tassaavoq kalaallit kulturiannik saqqummiisarfik. Kalaallit Nunaat ilitsoqqussaralugu kulturiat pisoorsuuvoq, assigiinngitsorpassuarnut sammisinnaalluni, aamma ullutsinni kalaallimut muteerniusumut suussusersiuminaassinnaasarpoq. Taamaattumik pisariaqartarpoq kingumut qivialaarnissaq - ileqqut pissusilersuutaasartullu paasisaqarfigalugit - aatsaat taamaaliorutta ullutsinni inuuneq sooq taamaannersoq ilikkassagatsigu . siunissamilu pilersinniakkatsinni sakkorisinnaallugu. Aaqqissuussani sammisat assigiinngitsorujussuusinnaapput, tassaasinnaallutik eqqumiitsuliorneq pinngorartitsinerlu, nerisassat, piniarneq, peqqinneq, timersorneq pinnguarnerlu, sammisanullu atatillugu ilisimatuut, eqqumiitsuliortut allallu ilisimannittut saqqummiisinneqartarput.
Tamatumuuna attat eqqakkanillu isumaginnittarneq qulequtarissavarput, unnummilu pisussat ima tulleriinnilerpavut.
19.00 Tikilluaqqusineq
19.05 Attani itsarnisarsiornerit
Hans Lange, katersugaasivilerisoq, Nunatta Katersugaasivia Allagaateqarfialu
19.20 Apeqqutit
19.25 Eqqagalerineq ullutsinni
Frank Rasmussen, pisortaq, ESANI A/S
19.45 Apeqqutit unillatsiarnerlu
19.55 Imaani piniutaarsiutinik qalluineq
Rasmus Nygaard, ilisimatusartoq, Pinngortitaleriffik aamma og Kristian Olsen + Inuk Aqqa Berthelsen aalisartut Neqitameersut
20.25 Apeqqutit
20.30 Naggasiineq
Asseq: Sisimiut Katersugaasiviat
