18:30 – 19:30 Jim Milne Trio

Jazzimik tusarnaartitsineq Jim Milne Trio nipilersortoralugit– nipilersortartoq ilisarisimaneqarluartoq Titken Jakobsen pulaartoralugu.

Jazzimi appisimaarneqakkajuttut amerlanernillu ilisarisimaneqarluartut taavalu Jim Milnep nammineq erinniai atorneqarumaarput. Appinnerit akunnerini Jim jazzimik nipilersortuusarsimanerminik eqqaamasalikkersaaginnarani appinneqartussat ilisaritittarumaarpai.

Jazz mumisitsiniat akerliuniallu sinnerlugit nipilersoriaasiunngikkaluarluni nipilersoriaatsip ilisarnaataasa annerpaartaat naqisimaneqarnermiik kaanngarusussutsimik oqariartuuteqartuupput. Nipilersoriaasiuvoq sungiusaqqaagaanngitsunik malaatiinnarlugu erinnikkanik imaqartoq tamatigullu appisimaagaq assigeeqqissaamik atorneqaqqittannginnera taassumunnga ersiutaalluni. Taamaalilluni ilisimaneqanngitsup nipilersortumit tusarnaartumiillu misissortuarneqarnissaannik kaammattuutaalluni.

Nuummi aallaaveqarlutik jazzimik appisimaaqatigiit Titken Jakobsen, saxofon, Jim Milne, piano, Fabrizio Barzanti, el-bas og Jonas Nilsson, tumerparpaat sumik sammiveqarani imaluunniit aaqqissuussaalluartup, pissaaneqarnerup kusanassutsillu akunnerisigut nipilersukkamikkut tusarnaartoq uppitsaaliorniarsaralugu aallaqqaataaniik naanissaanut ikaarteriaraluassavaat.

Ukiuni 150ini kingullerni jazzip ilisimanngisat misissorsimanngisallu naliginnaasunngortittuarsimavaat nunarsuaq tamakkerlugu tusarnaartartunut nipilersortartunullu. Massakkut nipilersoriaatsimut taassumunnga Nuummit appisimaarsinnaasut kalaaleq, ameerikkarmioq, qallunaaq, itaaliarmiorlu katerillutik appisimasaapput ataatsimoorsinnaassuseq qaffasinnerusoq qiteriinnarnagu tusarnaartitsinermikkut ersersillugu.

 

20:00 – 21:00 Katsi Kleist Eriksen

Inuusuttuaraallunili nipilersortartut assigiinngitsut peqatigalugit saqqummersitsisaqattaarnikuuvoq aammalu erinarsoqattaartarnikuulluni soorlu makkunani: Pele Møller Band, Zedna, Karl Lynge, The Soulmates il.il.

Nammineq erinaatiminik saqqummersitsivoq 2013-mi. Nuuteeraq immiussaa ”Qujanaq” 2013-mi nuuteeqqani ukiumi saqqummertuni, pitsaanerpaatut toqqarneqarluni nersornaatisissutigaa.

Nuuteeqqamiit erinnat ullumimut taakkuupput aamma tusarnaartitsigaangami tusarnaartitsissutigisartagaat ilaat.

Tusarnaartitsinermi akunniliuluttarlugu oqaluttuartartarumaarpoq erinnallu nutaat ilaatigut appittassallugit.

2013-mili ukuullutik nipilersoqatigiittalerpuut: Erinarsortoq: Katsi Kleist, Guitar: Kim Kleist-Eriksen, Bas: Malik Andersen

21:00 – 23:00 Nipilersorumasunut tamannut tusarnaatitsivik piareerimavoq

Nipilersorumasunut Katuamit neqeroorutaavoq tusarnaartitsivik atortulersorluagaasoq. Tassani piareersimatinneqassapput tumeerparpaat, keyboard, guitari akustiskeq kiisalu nipilerisumik misilittagaqarluartumik piareersimasoqassalluni. Appisimaarusuttut aamma tusarnaartitsivimmut namminneq nipilersuutiminnik nassarsinnaapput.

 

Tusarnaartitsivimmut inniminniisoqarsinnaalereerpoq uunga allagaqarluni: eventmanager@katuaq.gl. Unnummi pineqartumi aamma allatsittoqarsinnaavoq.

Unnuk Kulturisiorfik suleqatigalugu
Qilaat sponsor: Grønlandsbanken
Ulu sponsor: Napa, Bank Nordik, Brugseni, Tusass, Royal Arctic Line, Air Greenland
Aningaasaliisoq: Nuuk Lokaludvalg

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu