NIFF 2023
Nuuk International Film Festival
13.09.2023 - 17.09.2023
NIFF-mit pilersitaq, Katuaq suleqatigalugu
Tikilluaritsi nunarsuatta avannarpasinnersaasa illoqarfiup pingaarnersaanut!
Nuuk International Film Festival-i siullermik saqqummeqqaarpoq ukioq 2017, issittumi nunap inoqqaavisa filmiliorneq atorlugu suliatigullu takutinneqarput nutaaliorneq aamma qanga suliaasarsimasut.
Saqqummeqqaarneraniik ukiut tamaasa maannamut ingerlaneq suli annertusiartuinnavippoq, suliat ilisaritinnertalimmik saqqummiunneqartarput, peqataasunut oqaloqateqarneq, saqqummiinerit misilittaanertallit, suliarilluakkanut tunngassuteqartut ilanngullugit.
2020-mi NIFF nutaaliamik nunarsuarmioqatitsinnut nittartakkatigut toqqaannaq peqataaffigineqarsinnaasumik filmit pillugit saqqummiivoq.
Kalaallit Nunaanni filmiliorneq ineriartorfiusoq saqqummeraluttuinnarpoq. Inuit pillugit oqaluttuat kingumut suli misissuiffigineqartarput tingulaariffigineqartarlutillu, tamannalu Nuuk International Film Festival-imi suliaqartut issittumi siammasissumik ataqatigiittumik filmiliorneq pillugu angusarissaarnissaat angujumallugu.
Katuami ukiuni arlalinni Nuuk International Filmfestival (NIFF) tapersersorsimavarput, NIFF Kulturikkut illorsuatsinniisillugu suleqataaffigalugulu. NIFF nunatsinni filmiliornermut ineriartortitseqataavoq, nunani issittormiuni minnerunngitsumillu nunat inoqqaavisa filmiliaanik tapersersuisuullutik. Nunatta kulturikkut nunanut allanut suleqatigiinnera NIFF aqqutigalugu nukittorsarneqarpoq. Katuami filmertartugut aamma taamaasillutik filminik allakajaanik alutornartunillu takusaqarsinnaasarput.
Arnakkuluk Jo Kleist
CEO, Katuaq
