8. juni - 14. juni 2020
Nal: 16.00 - 20.00
Saqqummersitsineq: 21. juni
Sumiiffik: Katuaq
Ukiut: 13-20

Allatsiffissaq:https://bit.ly/3dbkZub

Illoqarfiit qanoq isigaajuk? Illoqarfiup suna ilisarnaatigaa? Innuttaasut kikkuuppat? Nuuk illoqarfiit pingaarnersaatut qanoq allaanerussuteqarpa? Inuit kikkut imaluunniit sumiiffiit sorliit tusarpiarneq ajorpagut? Ajunngitsortai suuppat? Ajortortai suuppat? Suna kusanarpa? Suna kusanaappa?

Nuuk illoqarfiuvoq assigiinngitsunik immikkoortulik aammalu innuttaasut assigiinngitsorpassuullutik. Assigiinngissutsit taakku naapittarfigaat, ilaatigulli imminnut allanarisinnaasarlutik. Eqqumiitsuliorneq piorsarsimassuserlu misigissutsinik oqaasertalerneqarsinnaanngitsunik takutitsisinnaasarput.

Nuuk Urban Culture Camp siunertarivaa illoqarfik ullutsinni inuusuttut isaannit takutissallugu eqqumiitsulioriaatsit assigiinngitsut uku atorlugit: Nipilersorneq/Rap, qitinneq, assiliineq graffiti-lu. Illit isumat tusaassallugu takutissallugulu pingaaruteqarpoq innuttaaqataagavit ilusilersueqataasinnaasoq. Avatangiisit sammineqarunik eqqartorneqarlutillu ajunngitsumut saatsinneqarsinnaapput inuusuttullu nukii ersersinneqarsinnaallutik.

Peqataaninni pikkorissaasunik immikkut suliaminnik misilittagaqarluartunik ilitsersuunneqassaatit pikkorisartinneqassallutillu. Pikkorissaasut isumassarsianik sakkussanillu aallerfiussapput suliat junip 21- ani takutinneqarnissaannut inaarniarnerinut.

Pikkoriissaatitsineq
Eqqumiitsulioriaatsimik ataatsimik toqqaasinnaavutit, taakkunanilu peqataasut 10-t inissaqarlutik.

Eqqumiitsulioriaatsit toqqagassat:

• Nipilersorneq rappernerlu – Josef Tarrak aamma Gustav Lynge Petrussen
Nipilersuusiorneq rapimilu taalliorneq sammineqassapput nipilersoqatigiit ÎVA-minngaanneersut Josef Tarrak-Petrussen aamma Gustav Lynge Petrussen pikkorissaasuullutik. Qanoq erinnamik pinngortitsisoqarsinnaanersoq qanorlu suliarineqarsinnaanera sammineqarumaarput.

• Graffiti – Sacha Malinsky aamma Inuk Højgaard
Graffitip silarsuaa paasisaqarfigiuk graffitinik qalipaasartut Inuk aamma Cheeky peqatigalugit. Workshoppimi sammineqarumaarput graffitilerinermi avatangiisit, graffitimi iliuutsit, graffitilerinermi inatsisit taavalu ilusilersukkamit iikkamut graffitimik qalipaanermut. Atisanik qalipaanermi atorsinnaasunik nassarina.

• Qitinneq (15.-21. juni) – Camilla Olsen aamma Miyuki Daorana
Hiphoppimik housedansemillu qitinnermut ilinniarumaarpugut, pinnguarluta oqaluttuanillu ilinniarluta.

• Assiliineq – Inuuteq Storch aamma Arny Mogensen

Ullut ingerlanerini tamulugassaqartarumaarpoq.

Allatsereeruit attavigineqarumaarputit peqataanissat uppernarsarlugu.

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu