Ullut

Sumi: Lille Sal
Ulloq:
Akeqanngilaq

Uumasut, naasut bakteriellu ineriartornerminni ajornartoriutinik amerlasuunik aaqqiisariaqartarsimapput. Pinngortitamit isumassarsilluta ajornartorsiutinik aaqqiigaangatta taasarpaprput biomimik-imik. Eqqarsaatigeriaruk naasoq burre. Aassuma naaussusani uumasut meqquinut nipputsittarpai naasussani taamaaliornikkut siammartertarlugit. Naasoq burre biomimik-kimi atuinermi assersuutissaavoq siulleq – tassa burrebånd aamma velco sananeqarmata massakkullu takusaaqalutik.

Taamatut pinngortitamik ilaarsiinnarata, biologiimi periutsinik ilisimaarinninnitta eqqarsalersittarpaatigut allatut isikkuliinissatsinnut, assersuutigalugit illulioriaatsit, atortussiornerit, kemi, nanoteknologi aamma nakorsaatit.

Biologip silarsuaanit assersuutitigut assigiginngitsutigut tusassavasi ilisimatuut atortussatik teknologimillu nutaamik qanoq isumassarsiortarneri.

Assersuutitut tusaarsinnaavarsi svampip saanikui igalaaminiusut imarsuup naqqaniittut qanoq illussanik sanaartornermi ilusilersorneqarsinnaaneri. Assersuut alla tassaavoq naasoq kandebærer. Taassuma imiisiviusaq pilersissimavaa isugutseraangami pujattuinnanngortartoq, taamaalillutik uniaaluit uumasuaqqallu allat naasumut sisoortarmata nerineqarlutillu. Taanna asslillugu piliassaanik nutaarluinnarnik allanngortinneqaraangamik pujalluinnalersartunik pilerasitsisoqarsimalerluni.

Aamma tusarsinnaavasi inoqajuitsumi teriarsuit Afrikami nunap iluaniittartut. Takku tunngaviupput nukinnut utoqqalinermullu paasinninnerulernermut, aamma tusarsinnaavarsi pulateriaarsuup toqunartua qanoq inuup aavata qaffassimaneranut ikiuutaasinaasoq, aama takusinnaasssavasi uumsasut talli niuilu katakkaangamik qanoq pinngoqqittarnersut. Qallunaat Nunaata imartaani siuteqqut periusaaanik ilisimatuut isumassarsisimapput, uillummi imaani maleqaqisumi qanoq imminnut aalajangertarnersut. Uillut limi atortoraat sunullu tamanut nippussinaallutik, aamma tefloninut, taakkumi sumilluunniit nippuffiusinnaanngitsutut nalilerneqartarmata. Uillut limiutaat nutaanik pilertsitsinissanut isumassarsisitsipput, tassas pilattaanermi ujalussiaq atornagu atortuulersinnaasumik. 

Pinngortitaleriffimmit aamma Aarhus Universitetimit pinngortitaq pillugu ilisimatuussutsikkut tamanut oqalugiarnerit nangeqattaartut nutaat ilisaritinneqassapput.Oqalugiarnissaq aallarnisarlugu Thomas Juul-Pedersen Pinngortitaleriffimmeersoq aallarniissaaq aamma oqalugiarnerup qeqqata missaani kaffisuuttoqassaaq.Oqalugiarneq Aarhus Universitetimi oqalugiarnermik toqqaannartumik immiussaavoq. Iserneq akeqanngilaq.