Ullut

Sumi: Nuup Saavani
Ulloq:
Akeqanngilaq

Kinamigooq puisimik tulaasseqqaartoq?

Inuiattut ullorsiornitsinni Nuummi aalisartut piniartullu peqatigiiffiat NAPP, Katuaq Kommuneqarfik Sermersoorlu peqatigalugit puiseqqaanniunneq aaqqissuunneqassaaq.

Suliffeqarfinniit eqqugassarpassuarnik tunisinnikuuvugut, puisimillu tulaassisut siulliit pingasut eqqugassaqassallutik.

Eqqugassat:

  1. Marlin 2.22 qoorortooq, aallaasinut saligutit, VHF radio, 500 kr. gavekort Orsiivik
  2. Timmiarsiut, 500 kr. gavekort Orsiivik, savik
  3. Bosch qillerut, savik

Puiseqqaarniunnermi malittarisassat


Katuaq aamma Nuummi Aalisartut Piniartullu Peqatigiiffiat suleqatigiillutik inuiattut ullorsiornermi nakkutilliisoqassooq aamma nalunaarsuisoq.

Puiseqqaanniunnermut peqataaniartut nalunaarsorneqassapput, nalunaarfissaavorlu mobil: 54 71 94. Inuiattut ullorsiornermi 21. juni 2018 ullaakkut nal. 07:30 nalunaarneq kingulleq pissaaq.

Puiseqqaarniunnermut peqataasut sisamanngorneq 21. juni 2018 kingusinnerpaamik 07:45 nuup saavata kangerliumarngani piareersimassapput, nalunaarsuisoq ilisimatereerlugu umiatsiatillu alakkartereerlugit. Qamutilittarnermi pingajussaarnerani nal. 08:00 puisinniarneq aallartissaaq.

Puisit nal. 08.00 kingorna pisarineqarsimassapput, tamannalu qulakkeerniarlugu NAPP-miit nakkutilliisoq puisinik tulaassukkanik misissuisarumaarpoq. Tulaassuineq pissaaq Nuutoqqap sissiugaani.
Puiseqqaartut siulliit pingasut akissarsiassaqarumaarput nr. 1 nr. 2 aamma nr. 3. Pusit siulliit pingasut tikiunneqareerpata puisittup tulaassani nammineq akisussaaffigissavaa.

Umiatsiaaraq ataaseq puisimik ataatsimik tulaassisinnaavoq.

Kikkut peqataasinnaappat?
Puiseqqaarniunneq tamanut sunngiffimmi piniarnermut allagartalinnut aamma piniarnermut allagartalinnut ammassaaq. Pingaaruteqarpoq peqataaniartut nalunaarsimanissaat, nalunaarsimanngitsut eqqugassanik pinnassinnaassanngimmata. Piniarnermut allagartallit aamma sunngiffimmi piniarnermut allagartallit unamminermi peqataasinnaapput.

Puisit piniarneqarnissamik akuerisaasut, tassa Qasigiaq puisilu sigguttooq minillugit, tikiuneqarsinnaapput.

Peqataaniartut Jaqqa J. Petersen-imut nalunaarsinnaapput uunga mailimut: eventcoordinator@katuaq.gl imlt. Mobil 54 71 94

     

Pilersaarutit allanngorsinnaaneri paasissutissallu kukkuneqarsinnaaneri sillimaffigeqquneqarput.

    

Aningaasaliisut/Sponsorer: Orsiivik, Qalut Vonin, Yama-tek, Sermersooq Marine & Auto, STARK, KNAPK, NAPP, Kommuneqarfik Sermersooq & Katuaq