Oqalugiartut: Geosciencemi professori Christian Tegner, Institut for Geoscience, Aarhus Universitet aamma miljøhumaniorami professori Felix Riede, Institut for Kultur og Samfund og Institut for Bioscience, Aarhus Universitet.

Qaqqat innermik anitsisarneri ajunaarnersuaqartitsisinnaasartut inuit oqaluttuarisaanerannut sunniuteqarsimappat? Oqalugiarnermi matumani qaqqat innermik anitsisartut inuiaqatigiinnut assigiinngitsutigut qanoq sunniuteqarsimanerat tusagaqarfigissavarput.

Ukiuni kingullerni ilisimatusartarnerit tunngavigalugit Nunarsuup sananeqaataanik (geologimik) itsarnisarsiornermillu (arkæologimik) ilisimatusartartut marluk qaqqat pingasut ukiut ingerlaneranni innermik anitsisarsimanerat sammissavaat: Tysklandimi qaqqap innermik anitsisartup Laacherip Seep nalaaniittup ukiut 13.000-it matuma siornagut innermik anitsisimanera, Immami Akullersuarmiittumi qeqertami Santorinimi qaqqap ukiut 3.600-t matuma siornagut anitsisimanera kiisalu uagut nalitsinni, tassa ukiut 600-t nalaanni qaqqat malisungaannangajattumik anitsisarsimanerat.

Inuit, uumasut naasullu qaqqap innermik anitsisartup eqqaamiuusut qaqqap innermik anitsineratigut ajunaarnersuarmik eqqugaarujussuartarsimanissaat takorloorneqarsinnaavoq.

Qaqqat innermik anitsisarneri ilaatigut ima sakkortutigisinnaasarput allaat inuit uumasullu ungasissorsuarmiittut ilanngullutik sunnerneqartarlutik, tamannalu soorlu sermimik qillerinerni qaqitani, orpiit kanaartaasa issutsikkiartornerisa takussutissartaanni itsarsuarnitsanillu nassaani takussutissartaqartarpoq. Qaqqat innermik anitsisimasut pingasut taakkua nunani avannarlerni inuiaqatigiinni allanngortoqarneronut peqqutaaqataasimapput - ajunngitsumik aammali ajortumik.

Sisamanngorneq 24. Januar, 2019. Katuap Inersuaaraani nal. 19-21

Pinngortitaq pillugu ilisimatusarnermi paasisat tunngavigalugit tamanut ammasumik oqalugiartitsisarnerni tulleriaani ukunani Pinngortitaleriffik Aarhus Universitetilu suleqatigiillutik oqalugiaammik nutaamik saqqummiussisuupput. Thomas Juul-Pedersen Pinngortitaleriffimmeersoq aallarneereerpat unillatsiarnermi kaffeqarlunilu teeqassaaq. Arhus Universitetimi oqalugiartitsisinermit videoliuut atorlugu immiussamik isiginnaarneq akeqanngilaq. 

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu