Ataatsimoorneq, pinngortitaq piorsarsimassuserlu Katuap ilaqutariinnut pikialaartitsinerani ”tasioqatigiissinneqassapput”. Taamallu pisussaq 2019-imi tallimassaasumik ingerlanneqassaaq.

Qooqqut Festival 2015-imiilli nunatsinni piorsarsimassutsikkut pisuussutitsinnik katersuuffittut iluatsilluartumik ingerlanneqartarsimavoq: Pinngortitameeqatigiissitsinikkut, piorsarsimassuseq tunngavigalugu takutitarpassuartigut piorsarsimassuserlu aallaavigalugu workshopertitsilluni suleqatigiissitsisarnikkut. Tassa piorsarsimassuserput ilinniartitsissutigalugu kiisalu tamatuminnga eriaginninnissamik ineriartortitsinissamillu siunnerfeqartunik ataatsimoortitsisarnertigut. 
Pikialaartitsinerni kalaallit piorsarsimassuserput annertuumik qitiutinneqartarpoq.  Piorsarsimassutsikkut ilisarnaatigut paasinarsarneqartarput ineriartorteqqinneqartarlutillu Nunat Avannarliit Issittumeersullu allat parlagiiaaqatigiissinnerisigut.

Qooqqut Festival ukiut ingerlanerini pingaartutut salliutinneqartalersimavoq pisartutut katersuutsitsiviu-sutut, ilaqutariittut imartuumik peqagiinnissamik ammaassisoq, kulturi tunngavigalugu pinngortitami ataatsimoortitsinerusoq.

Qooqqut Festivalimik 2019-imi ingerlatsineq qulequtaqartinneqarpoq ’Sila’, tassa taggit siammasissumik isumaqarsinnaasoq, silaannarmut taaguut, ilisimasaqassutsimik isumaqarsinnaasoq aammalu nunarsuarmi inississorsimanermut aamma atatillugu oqariartuuteqarnermi atorneqarsinnaasoq. Taamatut ateqartinneqarpoq, silami pinngortitami ingerlanneqartussaammat, avatangiisini naliginnaasumik nerisassanik aallerfiusartumi.

Pikialaartitsinerup ingerlanerani inuit paarnanik nuniassinnaapput, naasunillu assigiinngitsunik katersisinnaallutik, eqalunniarlutik aavarsinnaallutilluunniit. Saniatigullu pikialaartitsineq pisoqarfiussaqigami anersaamik immiissaaq, sungiusimariikkanik aammali nutaanik.
Isuma, sila silamilu avatangiisit imminnut suleqatigiipput. Silami pinngortitarlu aqutsisoraagut – eqqumiitsuliornerillu aammalu piorsarsimassuseq sila apeqqutaatinnagu ingerlanneqassapput, avatangiisit immikkuullarissut toqqamik aallaavigalugit.

Qulequtaq aallavigalugu ataatsimoorneq nukittorsarusupparput. Pinngortitamiittarnermi annertuumik ataatsimoorfigisuusarparput. Taamaattumik ukioq manna pikialaartitsinissaq ingerlanniarparput immikkut pingaartillugit, ataatsimoorunneqarsinnaasut ukioqqortussutsit, sumiuussutsit, inuinnartut suunerit eqqumiitsuliortuunerillu, aporfiginagit akimut suleqatigiissillugit.

Sumiiffik: Qooqqut, Nuup kangerluani 
Ullut: 9. & 10. august 2019 
Akia: Pisussat tamarmik akeqanngillat
Paasissutissat allat:www.facebook.com/qooqqutfestival

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu