Nipilersorneq eqqumiitsuliornerlu Nuup kangerluani

Ukioq manna Qooqqut Festival-imi nipilersornerit, kulturisiorneq ataatsimuualaarnerlu misigineqarsinnaapput Nuup kangerluani kusanaqisumi. 

Kulturikkut misigisaqaatigalutit asimeerujoornissat nuannerunartippiuk? Taava Qooqqut Festival Aggustip 14-ani 15-anilu pisussaq ilinnut ilaquttannullu tulluarluinnarpoq.  Ukiut tamaasa Katuap ilaqutariinnut festivaali tamanut tulluussagaq aaqqissuuttagarivaa, tamatigullu peqataaneq akeqarneq ajorluni, ukiorlu manna alutornavissunik pisoqarumaarluni.

Sammisassat alikkusersuinerillu 
Festivali tallimanngorneq aggustip 14-ni unnukkut tusarnaartitsinertalimmik ammarneqassaaq. Aqaguanilu arfinngornermi aggustip 15-ni pikkorissaanerit allallu aliikkusersuinerit ullukkut pissallutik, unnukkullu tusarnaartitsinerit ingerlanneqassallutik.

Festivaalimi uku misigisassaapput: Small Times Giants, Îsâvaraq Inunnguaq & Gustav, Laura Aviana, Gerth Lyberth, Nikolaj Lønstrup, Zika, Qooqqut Band, Kusernerit, Takuss Duo, Kuka Fleischer kiisalu scene ammasoq.

Ilaqutariinnut tamanut sammisassat assigiinngitsut ukuupput: Sanalunneq, qilaatersorneq, eqqarsaqqissaarneq(meditation) yogalu, meeqqat eqqumiitsuliortut, Inuit & Dene Games, itsarnisarsiorneq(Arkæologi), oqaluttuatoqqanik atuaaneq, nammineq tajaliorneq, mobil atorlugu filmeeraliorneq, ikumaartitap eqqaani imusanik iffiorneq appisiimaqatigiinnerlu, kiisalu taarsiarsaalerpat kalaallit filmiliaannik ersinartumik pinngortitami isiginnaaqatigiinneq.

Sammisassaq ‘’Nuna’’
Piorsarsimassuseq eqqumiitsuliornerlu ataqatigiipput aammalu inuit tamatta pinngorfipput nuna pingaarnertut sammineqassaaq.

Soorlu nunatatut sermersuarmi puttuttartutut eqqumiitsuliorneq piorsarsimassuserlu nuiorarput isikkivigisaq takunnittariaaserlu allanngorlugu. Nunatat ilai aatsaat puttutilaaginnarput ilaalu angisoorujussuanngoreerlutik naaralaartitsivittut erseqqaarissutut qaamallutik.

Ileqqutoqqavut aammalu nutaalianik suliallit aamma taamaapput, ilai aatsaat aallarterlaajupput nipit nutaat aammali ilaqarput ilisarisimaneqarluartunik. Qapialaaraannili tamarmik ataatsimik tunngaveqarput tassa nunarput pinngortitarsuaq.

Ataatsimoorneq
Festivalip ingerlannissaanut pilersaarutip immersornerani pingaartipparput pisussat ataatsimoortitsilernissaat peqataasuuneq, qassinik ukioqarneq, suminngaanneerneq, eqqumiitsuliortuuneq piumassutsiminnik sulisuuneq apeqqutaatippallaarnagu. Sammisat tamanut tulluartinnissaat siunertarisarparput.
Peqataasut eqqumiitsuliortut allalu sammisanut suleqataasut assigiimmik misigisaqarsinnaapput kulturimut tunngasunik aaqqissuutanik pitsaasunik pinngortitami ilaquttat peqatigalugit.

Qooqqut Nuan - Neriniartarfik
Qooqqut Nuan-ip neriniartarfiani nuannarineqaqisumi pinngortitaq festivaalilu saallugit issiarujoorluni nerineq nuannarineqarluartarpoq. Neriniartarfiup ukiut tamaasa nerisassat kangerlummeersut atorluarlugit mamarluinnartunik nerisassiortarpoq.

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu