13. & 14. AUGUST 2021
Iserneq akeqanngilaq

Qooqqut Festival tassaavoq pinngortitami kulturilerineq, ukiut tamaasa akeqanngitsumik ingerlanneqartartoq. Aaqqissuussaq kulturikkut kingornussanik kinaassuseqarnikkullu atajuartitsivoq. Suleqatigiinnikkut kulturikkullu paarlaaqatigiinnikkut sumiiffinni najugallit, nunanit avannarlerneersut issittormiullu festivalernikkut ilisimasaat annertusarneqartarput.

2015imiit Qooqqut Festivalip aaqqissortarneratigut Nunatsinni kulturikkut pisuussutitta katersuutsinniartarneranni iluatsitsijuartarpugut: Pinngortitami katerisimaartarnigut, eqqumiitsuliortut pikkorissut aliikkusersuitullugit kulturilu pillugu isumasioqatigiinnikkut kiisalu katersisimaartarnerit piujuartinnerisigut inerisarnerisigillu.

Ukioq manna sammisaq tassaavoq ’IMAQ’
Imaq tassaavoq ukiuni tuusintilinni inuussutissatsinnik piniarfipput, qimussimik qaannamilluunniiit angallavipput kiisalu Sassuma Arnaata najugaqarfia. Imarlu ataqqillugu qujamasulluni nittarsaanneqartarluni. Imaq tunniussaqartaqalunilu ilaanni ilungersortitsisarpoq. Imarlu tassaalluni Nunatsinni attaviliilluni inuit naapinnissaat, oqaluttuanik, eqqumiitsulianik kulturikkulllu paarlaaqatigiinnissat pisinnaalertitsisartoq.

 Qooqqut Festivalimi Immap sammitinnissaa saneqqunneqarsinnaanngilaq, tassami festivalimukarniaraanni imaq aqqutiginngitsoorneqarsinnaanngilaq. Tamatuma saniatigut festivali sissamut qanittumiimmat, immamut tunngasunik isumasioqatigiissitsisoqartarpoq makkunanngalu aaqqissuussisoqartarluni: Qajartoqneq, paarneq, nalunneq, aalisarneq, imaani uumasut misissorneri il.il. Tassalu tamakkuupput ukioq manna aaqqissuussatsinnut ilannguniakkagut.

Pinngortitaq
Qooqqut Festivalip kangerluup qinnguani inissisimanera assissaqanngilaq. Avatangiisini qusanaqisuni itisuumik eqqarsarnissaq iluarusunnissarlu periarfissaqarluarput. Kulturip pinngortitallu naapinnerat immikkuullarissunik misigisaqartitsisarpoq ilisimatusarfiusarlunilu.

Festivalip inissisimaffia pinngortitaq nalinginnaq toqqagaanngilaq, periarfissaqartitsinikkulli killiliisariaqarnikkullu periarfissalittut toqqagaalluni. Qooqqut Festivalimi pinngotitaq ilisimasassarfiorfiusarpoq nassaassallu workshoppini paasititsiniaassutitut atorneqartarlutik. Qooquni pinngortitaq minnerunngitsumik aaqqissuussinerni isumassarsiorfiusarpoq.

Qooqqut Festivalimi avatangiissit eriagineqarput, tikeraartuinnaalluta allanngutsaalinissaa akisussaaffigigatsigu. Taamaammat festivalip sunulluunniit akornutaanngissaa sulissutigiuarparput. Tamatumani ilaatigut poortuutit igiinnagassat atornissaat killilersorniarsaraarput, ass. imerfiit nammineq nassatat kuummi immertittarnerisigut, puussiat platikkit atornagit annoraaminernik atuisarluta eqqagassallu ataatsimut isigalugit annikillisarniarsaralutigit.

QOOQQUT FESTIVAL FACEBOOK-IA UGGUUNA MALINNAAFFIGIUK

Aningaasaliisut:

  • Qooqqut Nuan
  • Nunafonden
  • NAPA
  • Air Greenland
  • Permagreen
  • Bank Nordik
  • Brugseni
  • Tele Post
  • Royal Arctic
  • Stark
  • Nuuk Lokaludvalg
Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu