Qooqqut Festivalip kangerluup qinnguani inissisimanera assissaqanngilaq. Avatangiisini kusanaqisuni itisuumik eqqarsarnissaq iluarusunnissarlu periarfissaqarluarput. Kulturip pinngortitallu naapinnerat immikkuullarissunik misigisaqartitsisarpoq ilisimatusarfiusarlunilu.

Katuaq 2022mi Kalaallit Nunaanni Kulturip Illorsuatut ukiunik 25-nngortorsiorpoq. Tamanna aamma Qooqqut Festivaleqarnerani malunnartinniarneqassaaq, tassaassammat Katuap nammineq aaqqissuussaani pisussat annersaasa ilaat, tikeraat, eqqumiitsuliortut Katuamilu sulisut ukiut tamaasa qilanaarisartagaat.

Kalaallit ileqqutoqaat kulturilu nutaaneq qitiutillugit meeqqanut ilaqutariinnullu aaqqissuussinerit sammitinneqartut, nipilersornerit, eqqumiitsuliornerit, kulturi kiisalu isumasioqatigiittarnerit aaqqissuunneqartassapput. Suliniutit sammisassaqartitsinerillu ukiut ingerlanerini soqutigineqarnerpaasartut pisussatut maanna piareersarneqarput, nutaartaqassallutillu.

Co-lab
Qooqqut Festivalip aallartinnissaa ullunik tallimanik sioqqullugu, nipilersortartut toqqakkat sisamat tikittarput, suleqatigiiaarlutillu taallioqatigiittarput erinnioqatigiittarlutillu. Peqataasut taakkua erinarsuusiatik nutaat arfininngornermi tusarnaartitsinermikkut saqqummiutissavaat.

Aningaaq aamma Maliina
Ukioq manna festivalip qulequtarissavaa Aningaaq Maliinalu pillugu oqaluttuatoqaq seqernup qaammallu pinngorneranut tunngasoq.

Suleqatigalugu: Qooqqut Nuan, Nuuk Water Taxi
Aningaasaliisut: Grønlandsbanken, Nunafonden, Tips- og Lottomidlerne, NAPA, Grønlands Kunstfond (selvstyret), Nuuk Lokaludvalg, Godthåb Transportservice
Qooqqut Nuullu akornani angallasisussat:
Nuuk Water Taxi: https://watertaxi.gl/da/
 
Assitaa takkutsilerpoq
Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu