Inuit & Dene Games

Inuit & Dene games (Inuit pinnguaataat)

Tassaavoq qanga issittormioqatigiit illup iluani aliikkutassiatut aammalu ileqqussatut pilersinnikuusaat, maannakkut timersorluni unamminikkut aallunneqartartoq.
Timersuut ilaatigut pissittaarluni unammissuteqarpoq aammalu nukersornikkut unammissuteqarluni.
Ukiut tamaasa Kalaallit Nunaanni sineriammi unammersuarnerit aallunneqartarput, tassanilu anersaaq immikkuullarissoq ataatsimooruffiusarpoq.
Inuit pinnguaataanni pingaartinneqarpoq imikkuullarissuullunilu; inuup imminut unammillernissaa.
Tassa unammisut tamarmik imminnut akerariinneq ajorput, inulli imminut unammillertarpoq.