Kali

  

2001-imi saqqummersitsereernitta kingorna ilisimaneqarnerput annertusivoq, ilaatigut ‘Soorlu pavanersuaq’ ‘Rap-itoqaq’ aammalu ‘Ilinnut tunniussara’ nipilersoriaaseq reggae-palaartumik akullugit suliaasut ilisimaneqaatiginerullugit. Aappassaanik 2013-imi nuuteeraq ‘Nunarsuup illuani’ saqqummerpoq, tassanilu ‘Nunannguami maani’ ‘Nunarsuup illuani’ aammalu ‘Utaqqiuassavunga’ ilisarnaataasutut taaneqarsinnaallutik, erinnat oqitsut ilisarnaataanerupput naak ilaatigut oqimaannerusunik taallanik akoqartaraluartut.

Inuusuttuaraanitsinniilli nipilersortartorpassuit assigiinngitsut nipilersoqatigisareerlugit, illoqarfinnilu assigiinngitsuni piffimmi nipilersortartut appeqatigisarnerisigut misilittakkat inuillu amerlasuut kammattaarineqartarput, maani Nuummi nipilersortartut aaliangersimanerusut ukuulluta appinnerusarpugut: Ove Mørch drum-ini, Kasper Mathiesen lead guitar, Malik Andersen bass kiisalu Kali Mathiassen akustisk guitar erinarsortoq.