Sisamanngorneq 22. Novembari, 2018. Katuaq `Inersuaaraq` nal. 19-21 

Oqalugiartut: Utoqqaliartortarneq pillugu molekylærbiologimi lektori Tinna V. Stevnsner aamma biogerontologimi lektori Suresh Rattan, Institut for Molekylærbiologi og Genetik, Aarhus Universitet.

Tamavitta utoqqaliartorpugut - tamannalu inuunerup ilagiinnarpaa. Ammip eqisaluttunngoriartuaarnera qiinikkiartornerlu tassaaginnarput utoqqaliartornermut takussutissarpassuit ilaat. Ilisimatusartartunit pissutsit assigiinngitsut utoqqaliartortarnermut ataatsimoorlutik aalajangiisuusarnerat ilisimatusartartunit paasineqarsimavoq. Inuilli ataasiakkaarlutik assigiinngitsumik utoqqaliartortarnerat eqqumiigineqartarpoq, tassami inuit ilaat toqussartik tikillugu timikkut tarnikkullu peqqilluinnartuusarmata ilannguilu nappaatinik ajoqutinillu ulikkaarlutik utoqqaliartortarlutik.

Qaqugukkut utoqqaliartulersarpugut - sananeqaaterput eqqarsaatigissagaanni? Pissutsit utoqqaliartulersitsisartut aammalu sooq assigiinngitsumik utoqqaliartortarnersugut ilisimatusartartut akissutissarsiniarsimavaat. Utoqqaliartortarneq celleni pisarmat, molekylini pissutsit allanngoriartortarnerat inuunermut, nappaatinut utoqqaliartortarnermullu tunngavioqataasut misissugarineqarput. Cellet nutaanerusut cellellu pisoqaanerusut sanilliunneqarmata paasineqarpoq celletoqqat kromosomertaat sananeqaatitigut kingornuttakkanik (DNA) annerusumik minnerusumilluunniit amigaateqalersimasartut. 

Utoqqaliartortarnermut tunngatillugu molekylinik ilisimatusarneq nutaanerpaaq peqqissumik inuunertunerulersitsissanerluni? Sooq utoqqaliartortarnerput kiisalu molekylit pillugit ilisimatusarnermi periutsit nutaat tamakkualu inerneri tusagaqarfigissavagut.

Pinngortitaq pillugu ilisimatusarnermi paasisat tunngavigalugit tamanut ammasumik oqalugiartitsisarnerni tulleriaani ukunani Pinngortitaleriffik Aarhus Universitetilu suleqatigiillutik oqalugiaammik nutaamik saqqummiussisuupput. Thomas Juul-Pedersen Pinngortitaleriffimmeersoq aallarneereerpat unillatsiarnermi kaffeqarlunilu teeqassaaq. Arhus Universitetimi oqalugiartitsisinermit videoliuut atorlugu immiussamik isiginnaarneq akeqanngilaq.

.

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu