Talk Town Nuummi misigiuk!

Suiaassuneq, arnaassuseq naligiissitaanerlu kalaallit isaanni qanoq innersoq paaserusukkukku, Nuummi ”Talk Town” siullermeerluni aaqqissuunneqalerpat tusarnaariarnissamut qaaqqusaavutit.

Kalaallit Nunaanni Naligiissitaanermut Ullorititaq maajip 20-at iluatsillugu Katuaq aamma Talk Town’imik aaqqissuisut ulloq taanna pisoqartitsissapput, oqalugiarnerit, oqallitsitsinerit aamma nipilersornerit naligiissitaanermut aamma arnaassusermut tunngasut tusarneqarsinnaassallutik. Talk Town 2021-ip Katuami pinerata nalaani saqqummiinerit oqallinnerillu tamarmik filmertarfimmi Empire’mi Københavnimiittumi toqqaannartumik isiginnaarneqarsinnaassapput.

Kalaallit Nunaanni suiaassutsikkut immikkoortitsinermut tunngasut, nunasiaataajunnaarnerup kingunerisaanik arnaanerup angutaanerullu qanoq isumaqalersimanerat aamma tamat akornanni oqalliseriaaseq ilaatigut tusarneqarsinnaassapput.

Talk Town aningaasaliiffigineqarpoq ukunannga: Tuborgsfondets Drømmepulje, Nordeafonden aamma Nuummi Najukkami Ataatsimiititaliaq.

 

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu