Katuaq eqqumiitsuliortunik pikkorissunik suleqateqarluni Katuami 2022-mi ukiunik 25-nngortorsiortitsinissamut piareersaasiorpoq. Taamaammat inuit isiginnaartitsinermik, nipilersornermik, assiliinermik, qalipaanermik, eqqumiitsuliornermik ass. misilittagallit ujartorneqarput.

Suliniut Nunatta Isiginnaartitsisarfia aamma eqqumiitsuliortut katillugit arfinillit pinngorartitsinernik assiginngitsunik suliallit peqatigalugit naammassiniarneqarpoq. Taakku Katuap nalliuttorsiutiginissaa Katuami, eqqumiitsulioriaatsit assigiinngitsut atorlugit, arlaatigut takutitsinertalimmik aaqqissussavaat.

Piffissaq: Eqqumiitsuliortut suliniummut atatillugu piffissani ukunani peqataasinnaassapput: februaarip 28-ianiit marsip aappaata tungaanut aamma apriilip 19-ianiit maajip 11-ata tungaanut, takutitsinerit/saqqummiinerit maajip qulingiluaaniit aqqarngata tungaanut pissallutik.

Sulineq soorunami akissarsiassartaqarpoq.

Eqqumiitsuliornermik pinngorartitsisunut piumasaqaatit
Akissarsiutigalugu eqqumiitsulioriaatsimik ataatsimik arlalinnilluunniit suliaqartarsimanissaq.

18-inik ukioqalereersimanissaq.

Eqqumiitsulioriaatsit assigiinngitsut akimorlugit suliniummi suleqataarusussuseqarnissaq.

Qinnuteqarneq
Qinnuteqaasiornermi ilanngunneqassapput CV, suliniummi suleqataarusussusermut nassuiaat aamma eqqumiitsuliornermut atatillugu nammineq suliarisimasamut takussutissaq.

Suliniummi peqataarusuttut qinnuteqaatertik uunga nassiutissavaat: eventmanager@katuaq.gl qulequtserlugu ”Katuaq ukiuni 25-ini”

Qinnuteqarnissamut ulloq killissarititaq: decembarip qulingat (2021)

Qinnuteqaatit tigusimasat akornanni eqqumiitsuliortut arfinillit toqqarneqassapput. Qinnuteqarsimasut tamarmik suliniummut atatillugu toqqarneqarsimanerlutik toqqarneqarsimannginnerlutilluunniit ilisimatinneqarumaarput. Decembarip 17-iani akissuteqarsinnaassalluta naatsorsuutigaarput.

Paasisaqarnerorusukkuit attavigissavat: eventmanager@katuaq.gl 


Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu