Katuaq Nuummi Najukkami Ataatsimiititaliaq suleqatigalugu ullukinnersiortitsinissamut qaaqqusipput.
Kalaallit ileqqutoqaat malillugit ulloq sivikinneq qaammariartornerlu nalliuttorsiutigineqassaaq.

Ullukinneq Katuami malunnartinniarneqassaaq assigiinngitsunik susassaqartitsisoqarluni
takutitsisoqarlunilu. Tukummeq Qaavigaq-p qulleq ikereerpagu ileqqutoqqanik oqaluttuarneq,
nipilersukkanik tusarnaartitsineq, taallanik atuaaneq sammineqassapput inimi kialaartumi nuannersumilu.

Iisaavaraq Petrussen nipilersukkanik tusarnaartitsissaaq, kingornalu ullorissat Aassuutit seqernup kivitaat
pillugu oqaluttuarumaarluni. Pivinnguaq Mørch aamma Hendrik Mørch taallanik atuaassapput.
Uaajeertartoq Najattaajaraq Joelsen uaajeernissamut qanoq piareersartarnerluni oqaluttuarissavaa
kingornalu uaajeerumaarluni. Peqatigiiffik Inngertartut inngerlutik takutitsillutillu tusarnaartitsissapput,
naggataatigullu inngernermik pikkorissaallutik. Taamaattumik kaammattuutigissavarput qilaammik
peqaraanni nassarneqarsinnaanera.

Qaamaneq uteqqikkiartulernera nalliuttorsiutigilerutsigu neriuppugut peqataajumaartusi Katuami.
Aaqqissuussaq kalaallisut ingerlanneqassaaq, danskisullu toqqaannartumik nutserneqarumaarluni.

Iserneq akeqanngilaq
Aningaasaliisut: Nuummi Najukkami Ataatsimiititaliaq aamma Grønlandsbanken

Pisussat
14:00 – Tikilluaqqusineq – Katuap pisortaa, Arnakkuluk Jo Kleist aamma Nuummi Najukkami
Ataatsimiititaliap siulersuisua, Hansine P. Rasmussen peqatigalugit
14:10 – Qulleq ikinneqarnera – Tukummeq Qaavigaq
14:25 – Taallanik atuaaneq - Pivinnguaq Mørch aamma Hendrik Mørch
14:40 – Tusarnaatitsineq, oqaluttuarneq erinarsoqatigiinnerlu – Iisaavaraq Petrussen
15:10 – Uaajeerneq oqaluttuarnerlu – Najattaajaraq Joelsen
15:35 – Inngerneq – Peqatigiiffik Inngertartut
16:20 – Qulleq qaminneqarnera – Tukummeq Qaavigaq
16:30 – Ullormut qujanaq

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu