Qanga kalaallit ullukinneq ullorsiutigisarsimavaat, ileqqutoqaq taanna ullut qaammariartuinnalerfiannik ullorsiorneruvoq, Katuallu malunnartikkusuppaa.

Qulleq ikinneqassaaq, ullukinneq pillugu oqaluttuartoqassaaq aammalu ulloriarsuit Altair assingat oqaluttuarineqassapput, soorunalumi nipilersortunik aamma tusarnaagassaqassalluni.

Aaqqissuussaq ulloq 21 December 2020 nal. 17.00-18.30 Katuap paarlersuani ingerlanneqassaaq

Qilanaarpugut ullorsioqatiginissannut.


Pisussat:
17.00 - 17.05 Piplauk Lynge-Rasmussen tikilluaqqusissaaq.
17.05 - 17.20 Qulleq ikinneqassaaq Ullukinnerlu oqaluttuarineqassalluni Kuka Fleischer-iminngaanniit.
17.20 - 17.40 Camilla Mølgaard, Pilutaq Lundblad aammalu  Jensia Højgaard Dam pattattoralugu erinnanik akunniliissapput.
17.40 - 17.50 Qiajuk Studios qitittartui qitinnermik takutitsissapput.
17.50 - 18.05 Nikolaj Heinrich Aassuutit oqaluttuarissavai.
18.05 - 18.25 Nukakkuluk Kreutzmann aammalu Malu Lynge erinnanik akunniliissapput.
18.30 - Unnummut qujanaq.
- Saniatigut pisussat: Arsarnerit seqersarlugit takuneqarsinnaassapput

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu