silaannaap allanngoriartornerani isiginiakkat

Alpiniit Kalaallit Nunaannut silaannaap allanngoriartornerani isiginiakkat

Nunatsinni Ilisimatusarnermik Siunnersuisoqatigiit, Danmarkimi Schweizimiut Ambassadeat Swissnex-imit tapersersorneqarluni aamma Swiss Polar Institute silaannaap allanngoriartornera, pinngortitami navianartunut aammalu sakkukillisaanermut periusissiat pillugit oqalugianermut qaaqqusipput.

Ilisimatusartartunit kalaaliusunit schweizimiunillu saqqummiisoqassaaq filmilu ”Towards No Earthly Pole”, eqqumiitsuliortumit schweizimiumit Julian Cherrière-mit filmiliaq isiginnaartinneqassalluni.

Saqqummiisoqarnerit kingorna sutugassaqalaarumaarpoq.

Pilersaarut:

• ”Towards No Earthly pole”-mit Julian Charrière-mit sanaamit tigulaarinninneq eqqumiitsuliortumillu videokkut nalunaarut
• Schweizip ambassadøria ataqqinartoq Florence Mattli Tinguely tikilluaqqusissaaq
• Saqqummiussinerit ilisimatuullu akornanni oqaloqatigiinneq Nunatsinni Ilisimatusarnermik Siunnersuisoqatigiit siulittaasuanit Josephine Nymandimit aqunneqartoq
• Specialkonsulentip Eva Mätzlerip geologillu Jonas Petersenip, Aatsitassanut Inuussutissanullu atuutsitsinermut Naalakkersuisoqarfimmeersup Namminersorlutik Oqartussani Karrani qaqqap sisoornissamut aarlerinaatilimmut nakkutilliissutit ineriartortinneqarnera pillugu oqaluttuassapput
• Arctic DTU-mi Postdoc Marco Marcer aamma professor dr. Jürg Schweitzer schweizimiut aputip sisoornissaanut kalerrisaarutinik suliaqarnertik, aammalu Greenland Winter Warning Association aqqutigalugu Sisimiuni Nuummilu iigartartunik immallu sikuanik nakkutilliinertil pullugit oqaluttuassapput.
• Ilasseqatigiinneq

Aaqqissuussinermi ilisimatuut suliaannik paasititsissaaq silaannaallu allanngoriartorneraniinneq aammalu qanoq nalimmassarsimanersugut pillugit paasititsissalluni. Sorpassuartigut Kalaallit Nunaanni aamma Schweizimi pinngortitami aarlerinartut, soorlu qaqqap sisoornera, aputip sisoornera aammalu sermip aakkiartornerani unammilligassat, assigiipput.