Umiarsuaq pujortulik DANMARK 1906-imi aasap ulluisa ilaanni Københavnimiit avalappoq. Talittarfissuarmi inuit nikorfapput, ilaat qungujulasut, ilaat qissattut kipilissamaarnermik. Umiarsuarmi issimasut akornanni piukkoornersuaqarpoq. Kalaallit Nunaanni Tunup avannaarsuata nunap assiliorneqanngitsup amiakkua titartarneqartussanngorpoq ilisimatuussutsikkullu angusassat imaannaanngitsut anguneqassasut neriuutigineqarpoq. Ilisimasassarsiortunut siuttuupput angutit marluk. Ludvig Mylius-Erichsen, inuk eqinnaatsoq imminullu pingaartittorujussuaq umiarsuullu naalagaa inuusunnerusoq uteriitsoq Alf Trolle.

Angutit 28-t ukiut marluk sinnerlugit Kalaallit Nunaanniipput. Inuilaarsuarmi qimussimik angalaanngikkaangamik umiarsuarminni sikkussaaqqasumi najugaqatigiittarput. Umiarsuarmiut demokratiimik kulturimillu ingasattajaartumik pingaartitsisut aamma aqumiut qullersaqarnissamik allersaqarnissamillu pingaartitsisut akornanni aaqqiagiinnginneq nalinginnaasimaqaaq, ilinniagartuut umiartortullu akornanni kulturikkut soorlulusooq qunnersuaqartoq, tassali imminnut ungasittangaaramik.

Assini kiinaasa taattui sulinerup nalaani sunngiffeqarnermilu ilorrisimaartut takuneqarsinnaasarput. Ullorsiutaannili allaatigisaat naapertorlugit perluup ataani, inuilaami sermerasaartumi qimusserlutillu qimminik isimmittaaralutillu pattalaarisut akornanni imminnut ajorsaarisarnerit eqqartorneqartaqaat.

Qimmiminnummi pissusilersoriaasii aarlerinangajattumilluunniit inuttat akunnerminni imminnut pissusilersortarnerinut eqqaanartutut oqaatigineqarsinnaavoq.

Suleqatigalugu: Museet for Søfart
Aningaasaliisut: Grønlandsbanken, Brebøl Fonden, Nordisk Kulturfond & Aage V. Jensens Fonde

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu