Ilinniarfik 1981-imi Namminersornerullutik oqartussanut suliffeqarfittut pilersinneqarpoq ilinniartunut ukioq ataaseq tunngaviusumik eqqumiitsuliornermik ilinniarfittut aaqqissuunneqarluni. Ukiut ingerlanerini eqqumiitsuliortunik assigiinngitsunit ingerlanneqartarpoq soorlu ukuusut: Hans Lynge, Emil Rosing, Ejnar Heilmann, Jessie Kleemann 1991-imiillu 2020-mut Arnannguaq Høeghimit ingerlanneqarluni. Maannakkullu 1. september 2021-miit Ivínguak´ Stork Høegh ingerlatsisuulluni.

Ukiut tamaasa ilinniartunut tallimanut inissaqarpoq, taakkualu sulianik nassiunneqarsimasunit nalilerneqarlutik toqqarneqartarput. Ilinniartut titartaanermik, qalipaasersuinermik, akvarelinik, akryl atorlugu qalipaanermik, qiperugaliornermik, mixed medianik suliaqarnermik naqitseriaatsinik assigiinngitsunik ilinniartinneqartarput. Ilinniarfimmi ilinniartitsisut tikeraartut nunatsinneersut nunattalu avataaneersut ilinniartut teknikkikkut periusaanik ineriartortitsisaqaat anersaakkullu aqqutissiuisuusarlutik. Tamanna ilinniartunut ataasiakkaanut nunattalu kulturinut nukittorsaaqataavoq. Ilinniartut ukioq ataaseq ilinniartooreerlutik ukiup ingerlanerani suliatik junimi Katuami saqqummersittarpaat.

Ilinniarfimmi 1981-imiit ilinniartut inuusuttut 196-it sineriammit tamaneersut ilinniartuutigereerpai, taakkununngalu oqaatsinik pikkorissuusut nunatta avataani, soorlu Danmarkimi, Sverigemi, Norgimi, Finlandimi, Englandimi, Islandimi, Canadami USA-milu eqqumiitsuliornikkut ilinniarnertik ingerlateqqittareerpaat.

Ukioq manna ilinniartut ukua saqqummersitsissapput:

Cecilie Christiansen

Minik Steenholdt

Lona Platou

Seqininnguaq Lynge Poulsen

Saqqummersitsineq: 10. - 21. juni 2022
Ammaanersiorneq: 10. juni nal. 16.30 - 17.30

Aningaasaliisut: Grønlandsbanken

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu