Inuuteq Storch New Yorkimi najugaqarsimavoq, anersaakkut angerlasimasutut misigaluni saniatigulli timikkut angerlaserluni.
FLESH saqqummersitaavoq assit 72-t atorlugit, Inuutip kinaassusimini ilisarnartoq nammineq ujarsimavaa piffimmi ilisarnanngitsumi.
“New Yorkimi najugaqarallarama kinaassusera misissulerpara, misissuinermalu nalaani imminut tarrarsorfigisarlunga, pinngorfiga illoqarfik inuilu naapittakkakka. Tassanngaannaq inuk nalusaq qanigisanngorsinnaasarpoq immaqalu akkaama inaani igalaaq. Assit uannut pingaarutillit suminngaaneerninnut takutitsisut piffimmi nalusanni nassaarisimavakka. Pinngortitamik pisariaqartitanni pinngortitaq alla nassaarivara, illoqarfik nammineq inatsilik, nunatalik inulillu”- Inuuteq Storch
Inuuteq Storch Sisimiuni 1990-kkunni peroriartorpoq. Assiliisarnera kinaassutsimik ujarlerneranik kulturikkullu toqqammaviinik takutitsisarpoq. Inuuteq Storch assiliinermik ilinniarfimmi Fatamorgana - Danmarks Fotografiske Billedkunstskole-mi ilinniarsimavoq Københavnimiittumi aammalu International Center of Photography-mi atuarsimavoq New York-miittumi.
Aningaasaliisut: Grønlandsbanken

 

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu