IMAQ - Nukiga
Saqqummersitsineq
Saqqummersitamut Imaq /Havet suliaqarnermi NUKIGA-p eqqumiitsuliortut arlariit saaffigisimavai eqqumiitsuliornerminni Imaq qulequtsiullugu suliaqarsinnaanersut.
Eqqumiitsuliortut assigiinngeqisut Imaq qulequtarinerani saqqummiussariaaseqarlutillu periuseqarsimapput. Eqqumiitsuliortut suleriaasaat assigiinngeqaaq, ilai qiperuinikkut, ila qalipaanikkut ilaalu assilialiornikkut.
Ilaasa Imaq piniarnikkut inuussutissarsiornermut sammitillugu suliamikkut ersersippaat qangaaniillu oqaluttuatoqqat kalaallit kulturiannut pingaaruteqartut qitiutinneqarput, ilaasali kinaassutsimut apeqqummut sammitippaat, silap allanngoriartorneranut sammitinneqarluni kiisalu ilaasa nunarsuarmi politikkimut sammitillugu.
Saqqummersitsinikkut NUKIGA-p neriuutigisaa ullutsinni eqqumiitsuliornerup ineriartornerata killiffianik takutitsiviussasoq aammalu assigiinngisitaartuuneq kalaallit eqqumiitsuliortuini ersersissallugu. Ilanngullugu neriuutigineqarpoq kalaallit eqqumiitsuliortuisa danskinut saqqumilaartumik takussutissaqarluarnissaanik aqqutissiuusseqataassasoq.
EQQUMIITSULIORTUT:
- Aka Hoegh
- Bolatta Silis Hoegh
- Buuti Pedersen
- Naja Abelsen
- Inuuteq Storch
- Ivinguak’ Storch Hoegh
- Maria Bach Kreutzmann
- Miki Jakobsen
- Paninnguaq Pikilak
- Lisbeth Karline
- Karl Petersen
- Juke Rosing
- Oline Binzer
- Kristian “Nuunu” Rosing
