Nunarsuarmi qilalukkanik ilisamaqarnerpaat ilaat, Dr. Martin T. Nweeia saqqummersitsine una pinngoriartortissimavaa kalaallit piniartut utoqqaallu ilisimasallit nersorniarlugit, ukiut 15-t sinnerlugit misissuereerluni qilalukkap sananeqaataa taavalu tuugaavata sumorpiaq atorneqartarneranik paasisat nutaat saqqummiutissavai. Inuiaqatigiit Inuit qilalugaq ilisimasaqarfiginerpaavaat Dr. Martin T. Nweeia oqarpoq.

Saqqumersitsinerup takutippaa kalaallit piniartut utoqqaallu ilisimasallit qanoq pingaaruteqartiginerat misissuinermi, qilalukkap tuugaavatalu sananeqaatai atorfissaalu, kinguaassiornerat, qilalukkat nappaatigisinnaasai imarmilu allanngoriartortumi uumasuunerat pillugu paasisassarsiornerup sulilu ingerlaartup inerneri saqqummersinniarneqarput.

Dr. Martin T. Nweeia, Harvard School of Dental Medicine-mi ilinniartitsisuuvoq aammalu professor-qataaluni Case Western Reserve University School of Dental Medicine-mi. Taavalu ilisimatuutut misissuinermi ikiortaalluni i ’Marine Mammal Program’ Smithsonian Institution-mi akisussaaffigalugit qilalukkat pillugit  saqqummersitat ’Narwhal: Revealing An Arctic Legend’

Dr. Martin T. Nweeia-p suliarisartagaai sisamariarlutik filmiliarineqartarput National Geographic-miit BBC-mik marloriarluni aammalu franskit aallakaatittagaanniit Découverte-miik ataaseriarluni immiunneqarnikuuvoq.

Saqqummersitsineq piviusunngorpoq uku suleqatigalugit USAid, Narwhal Tusk Research, Institute For a Sustainable Planet & KNAPK.

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu