Silap pissusaata allanngornerata nunarsuarmut sunniutaasa – nunamilu innuttaasut atugaat videoliorluni inuup assingi – Nuummi GUX-imi ilinniarnertuunngorniartut qaqqat tarrajuttut akornanni bussinik ingerlaaqatigalugit pinngortitap avatangiiserisap siunissami qanoq innissaa eqqarsaatersorfigaat. Workshoppini arlalinni ilinniartut eqqumiitsuliortut marluk suleqatigalugit piviusut takussutissartaannik piviusuusaartuliorlutik inissitsiteralutillu misissuipput.

Oqaluttuat pisuusaartitanik, ilanngutassianik aamma assilisanik allanngorsakkanik eqqarsaatigilluarsimasaminnik suliaqarnermikkut eqqumiitsuliortutut avataaneersutut ilaatigut inuit ataasiakkaat nunarsuarmioqataalersimanernikkut qanoq inuttut inissisimanerat piviusoq, isigisup isigineqartullu akornanni pissutsit sukkaannaq allanngorsinnaanerat eqqarsaatigalugu, takussutissarsivaat.

Louise Ørsted Jensen (in. 1993), eqqumiitsuliornermik ilinniarfimmi Royal College of Art Londonimi naammasseqqammerpoq, Danmarkimi nunanilu allani saqqummersitsisimalluni. Kingullertigut London, Amsterdam aamma Wales saqqummersitsivigisimallugit. Imminnut aporaattutullugooq suleqartarnermigut suliat pinngortitamut, inummut teknoplogimullu tunngasut ilisarnartuliaralugillu ilisarnanngitsuliarisarpai. Piviusut pisuusaartitallu akornanni killeqarfik misissortarpaa inuit ataasiakkaat pissusaasa timaasalu nunaqarsuarmioqataanerminni atugaat, isiginnaagassiornermigut, suliaminik inissitsiterisarnermigut aamma videoliamigut takutinniartarpaa.

Emilia Sølvsten (in. 1996) qitittartutut qitinnermillu ilitsersuisutut Parisimi Berlinimilu ilinniagaqarpoq, Oslomi maanna eqqumiitsuliortunngorniarluni Kunstakademimi bacchelorinngorniaalluni. Suleriaasia tassaavoq inuit imminnut attaveqariaasinik aamma pissaaneqartut sunneeriaasiinik takussutissiisunik tusagassiorfinni assitigullu tamanut takussutissiani sunniutaasartunik sammisaqarneq. Emiliap eqqumiitsuliornermi pinngortitamilu misigisassat ataatsikkut takutikkusuttarpai, isiginnaagassiatigut, videoliatigut, qiperukkatsigut aamma suliat assigiinngitsut imminnut ataqatigiissarnerisigut. Suliamigut misissortarpaattaaq paasissutissat tigussaanngitsut qanoq tigussaasunngortinneqarsinnaanerat, qiperiuinikkut ilusilersuinikkullu, ilaatigullu isiginnittup timaa aalariaasialu initutissinnaatillugu.

Eqqumiitsulianik saqqummersitsineq
20. januar - 4. marts 2022
Katuap saqqummersitsisarfiani
Iserneq akeqanngilaq

Aningaasaliisut: Grønlandsbanken, Statens Kunstfond, Nuuk Lokaludvalg, Glashandler Johan Franz Ronges Fond

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu