Ullut

Sumi: Paarlersuaq
Piffissaq:

Akeqanngilaq

Eqqumiitsuliortutut inuunera tamaat qulequttanik aaliangersimasunik aallaaveqarlunga sulisarpunga, aaliangersimasunik siunertaqanngitsumik, eqqarsaatigisalli suuneri tunngavigalugit, isumaqaraangama taakku ataatsimoortillugit qulequtserlugit suliarineqarsinnaasut, nalinginnaanerusumillu tamakku uumassusilinneersuusarput, eqqarsaatinni kaaviiaalersartut, ilaatigut inuunerup tupinnassusianik aallaaveqartut, ilatigullu maannatut toqorarfissuit arfernanni silaannaallu allanngoriartornera peqqutigalugit… sorsuutaasut, nioqqutissiornersuup nunalerinerullu mingutsitigaanerata ataani. Nunarsuaq uumassusilik kusanartorsuuvoq, paasiuminnaallunilumi imminut ajortumeerniarnertut ittumik, uagut inuit nunarsuaq tamakkerlugu aserorterinerujussuarput. 

Matumani eqimattat arfinillit ataatsimoortillugit saqqummersinneqarput. Allalli aamma ingerlatarisanni piupput.

  1. Oqaluttuatoqqat aallaavigalugit digitaliusumik suliaasut: inuit ulloriarsiornerminni aallaavigisaat: Solen/Seqineq Månen/Aningaaq, Venus, Karlsvognen, Sila, Asiaq. Oqaluttuatoqqat aallavigalugit misissuinerma kingunera aammalu anersaarpalaartumik inuit nunarsuarmik isiginnittaasiat pulaterfigalugu inuit ullorissanik isiginnittaasiat, silaannarsuarmi iluserititaat qilaallu tappavanersuaq ulamernerani isigisaat titartarlugit takusassiarivakka. Neriuppungalu siunissami qilaap oqaluttuassartaanik ilisimasanik saqqummersoqarnerujumaartoq. Takorloorsinnaavara, tamanna oqaluttuaasoq ataaseq, isigisat qilammi sumi inissisimanerat aallavigalugit ilusiligaasoq. Suliat nammineq assilisanit titartakkanillu photoshop atorlugu katitigaapput.
  2. Qinnguineq, uran, Narsami piiaaniarneq, Pinngortitamik nungusaataasumik mingutsiterineq. Inuit, nunaminertanillu naasorissarneqartunik naasorissarneqartussanillu sequtserinerit.

Eqqarsaatigalugu artorpara. Neriuppungalu Minik Rosingip sermersuup tagiunneranit marrarmik pilersinneqartumik tunisassiornissamik eqqarsarnera qinngornernik ulorianartunik akulinnik piiaanialersaarnermut taarsiissunngorumaartoq. Nunattami kujataa kusanangaarlunilu naggorissorsuuvoq nunattalu sinnerata naatitanik pilersorneqarsinnaanera taqqavanit ingerlanneqalersinnaalluni. Nunarpullumi allat nunarsuatsinnik tamarmiusumik sequtserineranni peqataasariaqanngilaq!

  1. MIO-p atuakkiaritinaanik assitalersuineq: MIOp (Meeqqat inuussuttullu oqaaseqartartoqarfiat) pitsaasumik pisariaqartumillu suliniuteqarnera meeqqat piginnaatitaaffii pillugit atuakkornermik malitseqarpoq uanga assitalersukkannik qalipaatinik imilertakkanik tunngaveqarluni suliaasunik. Tulluunnarpoq taamatut iliorsinnaatitaanera. Atuagarlu 2017-imi saqqummersinneqarpoq.
  2. Imminut ”pulaterfigaluni” pilersitat. Yoga, naatitanut tunngasunut eqqummaarinneq, arnat siuaasagut. Immineq tupigutsassimaarneq aammalu isummersuummik misissuineq, isumassarsineq. Sunarpiaq isumaanersoq suli paaseqqissaanngilara. Suut oqimaaqatigiiffiannik ujartuineq, qanga pisunit nukissarsiorneq, naasunik pisariaqarteqisatsinnik pingaartitsineq. Ila neriuttarialuarpunga suliat taasatut aallaavillit annertunerusumik itisilerif-figissallugit piffissaqarfigisinnaassallugit. Katersugaasivimmut Moesgaard Museum-imukarlunga siulitta titartaneqarsimanerinik isiginnaarlunga nammineq titartaavunga.

Immaqalu titartakkat aqqutigalugit eqqarsaatit aliatsassimaarnerlu peqquteqarput uagut inuusugut qanganngunngersaalersinnaanitsinnik. Tassa pinngortitatut kusanarsinnaagaluaratta, immitsinnut sequtsermata?

Foto-triptych-collager: Triptrychiliama 11-iusut akornanni marluk nassiussassanut ilannguppakka. Assilisat marluk akuleriissillugit. Sapinngisamik akuleriissinniarsarivakka qallunaat nunannut kalaallillu nunatsinnullu attuumassuteqartumik suliarinikuusat, piorsarsimassusit marluusut aallaavigalugit, soorluli uanga nammineq saneqaatikka taamatut ittuusut.  Kusanarsaagaanngtsumik assilisat photoshop atorlugu atatsimoortillugit akuleriissippakka. Qalipaataasulli allanngorsarneqanngillat. Collaget katillutik immikkoortut pingasuupput. Qalipaatit nikerarnerat suliaralugit nuannerput, tassa qalipaatit imminnut tulluussaqqissaarneri.

  1. Uumasut akuleriissitsinerillu, uumasut, qangaammalli asasakka, tarnerit tarraat, nerisarisagut, anersaakkut ikiortigut, ilaquttagut. Taakku tarnitta tarrarimmagit inuillu piorsarsimassusiat anersaanik akoqarmat, titartakkat eqqarsaatinik taaneqartutut ittunik oqariartuuteqarput, ilanngullugit inuit uumasullu ilusiminnik imminnit aallersinnaasarnerat.

Imminut tunngasut

Inunngorfik Brønderslev ukioq 1964.

Ilinniakkat: 1990-96. Danmarks Design Skole. 1987-89. Billedskolen i København 1985. Holbæk Kunsthøjskole

Ukiup sinnerani saqqummersitsinissat:

  • Seest Kirke, myteudstilling i Sognehuset 23. okt -11. dec.
  • Arktisk Festival. Arktisk Hus, KBH. Arbejdende stand. 4.-5. nov
  • Katuaq, Nuuk. 23. nov.-17. Dec., 2017
  • Roskilde Bibliotek, grønlandske kulturdage, gruppe, 17. nov. 2017- 2. jan. 2018 (KBH, Roskilde, Helsingør) – Grønland NU, gruppe, vandreudstilling 2018-2019

  

Inussiarnersumik inuulluaqqusillunga

Naja Abelsen