Kalaallip ullutsinni aalisartuullunilu piniartuusup ulluinnarni inuunera assilisatigut takutinniarneqarpoq – pinngortitarsuup avatangiiserisap inuuffigalugu kusanarluinnarlunilu sakkortoorsuusinnaasup inuussutissarsiorfigalugu qanoq innera, soorlu kinguaariinni arlalinni tamanna pisarsimasoq, ilanngullugu. Piniariaatsit aalisarnerillu ileqqutoqqanik tunngavillit nutaaliaanerpaanillu sakkoqalerneq uani pineqarput soorluttaaq silap pissusaata allanngornerata kingunerisaanik aporfiit pilersartut takutinneqassallutik.

Kalaallit Nunaanni piniartutut aalisartutullu 2021-mi inuuneq assilisatigut saqqummersinneqassaaq. Christiaap piniartutut/aalisartutut inuusunik malittarinninnermigut takutinniarpai qanga piniariaatsit ullumilu atortorissaarutit nutaaliat alutornartullu kingumut siumullu qiiartitsisut qanoq innersut. Saqqummersitsinermi takuneqarsinnaapput aalisartut piniartullu assingi aamma piniarneranni aalisarnerannilu pisunik assit.

Christian Sølbeck assiliisartuullunilu tusagassiortuuvoq namminersortoq 2017-imili Nuummi angerlarsimaffeqartoq. Tusagassiortutut ilinniagaqarfigaa Danmarks Medie- og Journalisthøjskole Aarhus-imittoq ”fotojournalistik” bachelorinngorfigisimallugu.

11. November - 19. December 2021
Aningaasaliisut: Grønlandsbanken

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu