Seven Subjects
Issittormiut oqaluttuat - Aviaaja Ezekiassen
Pisortatigoortumik ‘Seven Subjects’ 2019- mi aallartipput Inuit kulturiat oqaluttuarisaanerallu ullutsinni isiginnittaaseq atorlugu misissorniarlugit aaliangerama.
Suliap siunertarisimavaa Kalaallit assassugaat ilusilersugaallu suunerinik oqallitsitsinermik aallartitserusunneq, siunissamilu suup tungaanut ingerlaneri, imaluunniit ingerlasinnaanerinik. Ukiut hunnorujulikkaat arlallit inuiaqatigiinni allannguuterujussuaqarsimavoq, inuiaqatigiit piniartutut inooriaaseqarnikut maanna soorlu kitaamiut inooriaasiat malikkaat aamma eqqumiitsuliorneq kulturilu taamannak ingerlapput, taamatullu ineriartortuassapput. Apeqqutaalerporlu “qanoq kalaallit eqqumiitsuliaat, assassugaat, ilusilersugaallu ullumikkut siunissamilu Kalaallit nunaanni inuiaqatigiit takutissaneraat?”
2014-mi ilinniartuuvunga, eqqumiitsuliornermillu suliassap nutaap pilersaarusiornerani, qisussanik tunisassiornermi piujuartitsineq sammisaralugu.
Ilinniartitsisorput ilusilersuivitsinnut alakkaannerani. Eqqannut ingippoq titartakkakkalu isigalugit. Oqaaseqaataa siulleq tassaasimavoq Kalaaliunerma tunuliaqutaaneranut ersersitsisussamik titartaassasunga.
“Puisip amianik sanaguk.” Oqarpoq.
Akinngilara. akunnialuit pisariaqartissimavara eqqarsaatigissaIlugu, ingerlaqqipporlu allat ilinniartut suliai nakkutiginiarlugit.
Tassani nipaatsumik issiatillunga, ilinniartitsisumma ilinniaqatimmalu allat oqaloqatigiinnerat tusaavakka. Maluginiarsimavara killilersorneqanngimmata. Taakkumi aaliangersimasumut pituttorneqanngillat. Kingorngussaminnut aaliangiusimaneqanngillat. Taamaallaat qisuk, tassami taanna suliassiissutaammat.
Tassanerpiaq killilersugaaneq misigaara. Kalaaliussutsima kingorngussai pissutigalugit killilersortinneq; ilisarnaasigaanerit ilimasuutillu ilaanni naammattoortakkat ilaat.
Killilertinneq puisip amianuinnaq, soorlu takorloorsinnaagiga eqqumiitsuliortup Kunngip1 nunap isikkuanik qalipaanermut killilersortittutut misigisimanera.
Tassani siullerpaamik imminut aperaanga “Kalaallit eqqumiitsuliaat suna ilisarnaatigaat?”
- Aviaaja Ezekiassen
Taamaappat Kalaallit ilusilersugaat qanoq nassuiarneqarsinnaava?
Pingaarluinnarpoq paasitissallugu ‘Seven Subjects’ akissutaanik tunisinnaanngimmasi. Oqaaseqaatit tulliuttut isumaga malillugu Kalaallit ilusilersugaat oqaasinngortillugulu nassuiarniarnerani misigisimasannik paasisimasannillu toqqammaveqarput. Tamarmik ullutsinnut imaluunniit sulianut nassuiaatinngortinniarnerinut. Neriuppunga una allagaqaat aammalu ilusilersukkat/’sammisat’ oqaloqatigiinnernik aallarniisinnaassammata qanoq Kalaallit assassugaannik ilusilersugaannillu nutaanik pilersitsiniarnermi killissat unammillersinnaanerigut. Unammillissanerigut imaluunniit naamik.
‘Seven Subjects’ oqaatsit ujaasinissamut atortussiat tunngavigisimavakka, assassornermi ileqqut akoorlugit suliffissuaqarnermi saqqummersitsisarnerup siuliani sanaluttarnerit aammalu ullutsinni inuiaqatigiinnit sunniutitaasut - silap pissusaa allanngoriartornera pineqaraluarpat, arrortitsineq, piujuartitsineq, imaluunniit assigiinngissitaarneq pillugu oqallinnerugaluarpat, nutsersimavakka ullumikkut siunissallu ilusaannut.
-
Oqaluttuatoqqanik oqaluttuarneq
- Inua
-
Ilisarnaatit imaluunniit pissutsit ilisarnartut
-
Piujuartitsineq
-
Ilusilersorneqartarpoq atorneqarnissaa
-
Assassorneq
-
Pinnersaaneq
-
Allapalaakkat
-
Qalipaatinik ataqatigiissitsineq
-
Ilalersuineq
Qujanaq tapiisunut
Sermeq Puljen, Aage og Johanne Louis Hansen Fonden aamma Statens Kunstfond.
Ilaatigut atortussiortoq
Statens Værksteder for Kunst.
Kalaallit Illuutaat København, Aarhus, Aalborg, Odense / Nordatlantisk Hus Odense-mi, Kunsthal Nord aaamma Katuaq.
Kasper Marx, Anders Raad (Raadglas) aamma Johanne / Flilip Stenhugger.
Ilagisakka - angajoqqaakka Johan aamma Lisa Ezekiassen, qatanngutikka Flent aamma Marie, ikinngutikka/ suleqatikka Siri Paulsen, Linnea Ek Blæhr, Monica Steffensen, Monique Consentino.
Lizzi Damgaard (Selskabet for Kirkelig Kunst) aamma Ode Projects.
Aningaasalersuisut:
