Suleqatigiinneq manna unammillernartillugu aallartissimavarput, nammineq killissagut akimorniarsaralugit nalinginnaasumik suleriaatsitsinnit allaanerusoq misilittarniarlugu. Immikkoorluta suleriaaserput ineriartorteqqikkusullugu.

Eqqumiitsuliortutut piginnaatsitsinnut unammillernarsinnaasunik eqqumiitsuliornikkut periusillit aqqi allariarlugit skålimut ilioqqarsimavagut, ukiorlu manna qaammatit tamaasa atermik ataatsimik issuagassatsinnik makitsisarluta.

Eqqumiitsulioriaatsit taamatut issuakannerlugit misilittaaffigisaqattaakkavut qanoq isikkunissimanersut quppernerni tulliuttuni qimerloorneqarsinnaapput.

Ukiorpaalunngortuni ikinngutigiippugut, assigiittaqalutalu assigiinngittaqaagut. Eqqumiitsuliortut periusii issuarniarlugit misissortakkavut taakkulu pillugit suliatsigut oqaluttuareqqiisarnerput assigiinneq ajorput, ingerlatseriaatsigullu equngakujuttaqaat. Inuup assinganik ilusilersuinermut misilittaanerinnaagaluarpoq, taamaattoq aamma ersineq, quiatsattarneq orsuttalu timitsinni tinumaneri akueralugit nittarsaannissaat pillugit misilittaanerulluni. Kalaaliunerput ersersinniarlugu.

Tassa tamakku Katuami saqqummersikkusukkaluarpagut. Pinngitsoorani ilisarsisoqanngitsoorunnanngimmat allatulaaq pissuseqarluni siornatigut takusimanngisamik imminut takunissaq pinerullugu. Kalaallit eqqumiitsuliortut arnat marluk eqqumiitsuliortorsuit periusii atorlugit isiginnittaasertik atorlugu suliaannik qimerluuilluarina.

Pingaarnertut aningaasaliisoq: Nunafonden
Qilaat sponsor: Grønlandsbanken
Ulu-sponsor: Bank Nordik, Brugseni, Tusass, Royal Arctic Line, Air Greenland
Katuamut aningaasaliisoq: NAPA

SYMBIOSE

taggit

uumassusillit assigiinngitsut marluk imminnut qanittut ataqatigiittarnerat, tamatigungajak tamarmik iluaqutigisartagaannik.

Nuuppoq ...

Nutaarsiassat nalunaarutillu

Emailit allagut, mailimik nassissavatsigit ilitsersuillutalu