Ataatsimiinnerit katerisimaarnerillu

★★★★★

Issittumi inuiaqatigiit nutaaliaasunik misigisaqarfiginissaannik immikkuullarissumik periarfissaqartitsivoq.

Katuap ataatsimiittarfiani inuit ataatsimiittut

Atatsimiinnerit

Illoqarfiup qeqqani Katuap ataatsimiittarfiini ataatsimiissinnaavusi, kaffi, tii & imeq sikulik killeqanngitsumik
Fest & Katerisimaarnerit

Festertarfipput inniminneruk, piareersaanissamut, pinnersaasersornermut sassaalliinermullu saqisut ikiortigalugit
Ataatsimeersuarnerit

Katuami pikialaartitsigit imaluunniit ataatsimeersuaritsi, suliassaminnik ilisimannilluartut ikiortigalugit

5-nik ullorialerneqarnikoq

Katuami inersuit initupput allanngorarsinnaallutillu, taamaammat ataatsimiinnerit minnerit ataatsimeersuarnerilluunniit annertuut inuit 508 tikillugit peqataaffigisinnaasaannik aaqqissuussisoqarsinnaavoq. Init tamarmik aaqqissuussamut kissaatinullu naleqqussarneqarsinnaapput. Tamanna aamma teknikkikkut aaqqissuinermi atuuppoq, Katuaq teknikkilerisunik atorfilittaqarpoq nipilerineq, qullilerineq videokkullu telefonikkullu aallakaatitsineq misilittagaqarfigilluarlugu.

Init tamarmik iikkamut seqersittakkamik, seqersitsivimmik whiteboardimillu peqarput, ataatsimiinnerillu aallartilerneri tamaasa imeq nillaarissoq, mappet allattaaviillu inini piareersimasarput akimut ilaareerlutik.

Katuap pingaartitarilluinnagaanut ilaavoq sullissilluarnissaq. Taamaattumik sulisut ilisimaneqaatigisaminnik pulaartuminnut nunanit tamalaaneersunut, naapikkuminarlutik qungujulaarlutik, sullissiniarlutik piareeqqapput.

WiFi
Smartboards
Imigassat nungunneq ajortut
Illoqarfiup qeqqani
Illoq ornikkuminartoq

Paasisaqarnerugit

Ataatsimeersuarneq katiteriigaq

Ataatsimiisitsissagussi imaluunniit ataatsimeersuartitsissagussi ataatsimeersuartitsinissamut aaqqissuussaq innersuutigisinnaavarput. Taanna inummut ataatsimut 595,- kroninik akeqarpoq, sorlermi ataatsimiinneq apeqqutaatinnagu.

Ataatsimeersuarnissamut aaqqissuussamut ilanngussat:

Event tekniker ikiortigalugu aallartisarneq
Smartboards
Allaffissat & allaatit
Inip attartornera WiFi ilanngullugu
Sassaalliinerit: Kaffi, tii, imeq sikulik killeqanngitsoq, Ifiaq qallersuutilik, Tamulugassat, Kaagi/naatitat & Frokost (Tapas imaluunniit 20-t inorlugit amerlassuseqarussi menu/nerisassat inniminnersinnaavasi)

Nammineq katiteruk

Annerusumik ataatsimeersuarneq imaluunniit katerisimaarnerit aaqqissuussinerillu assigiinngitsut nammineq aaqqissuuguk, ini ataatsimiiffissaq toqqaannassavat, qanorlu amerlatiginersi apeqqutaatinnagu saniatigut ataatsimeersuarnermi pisariaqartitasi pisiarisinnaallugit.

Allat saniatigut pisiarineqarsinnaasut ataani takukkit.

Inniminniigit

Ataatsimiittut nerisassanik kalaallit nunaanninngaannersunik aallertoq

Ilassutaasinnaasut

Oqaluttarfik
Mikrofonit
Panelimut aaqqissuussineq
Nutserinermi atortut
Ataatsimiinnerni katerinnerni videokkut peqataatiaqarsinnaaneq
Ataatsimeersuarnermi avammut aallakaatitsineq
Kavaajaartarfik
Nerisassiat Cafétuaq-mit annissassat
Nerisassat nalliuttorsiorpalaartut - menu-nik neqeroorutit
Katuamit aqqissuisunik sullinneqarneq (pisussanik aaqqissuisineq, nipilersuutinik imal. aliikkusersuisunik inniminniineq)

Teknikkikkut atortugut

Teknikkimut tunngasunut immikkoortortaqarfiup akisussaaffigaa, teknikkikkut atortorissaarutit tamakkiisumik atuunnissaat, taamaasillutik isiginnaartitsisunik, tusarnaartitsisunik, ataatsimiittunik, oqalugiartunik ataatsimeersuariartunillu isiginnaariat, tusarnaariat, ataatsimiigiat ataatsimeersuariallu misigisaqarnissaminnik isumalluarnerat piviusunngortinneqarniassammat.

Atortorissaarutit akisussaaffiginerisa saniatigut teknikkimut tunngasunut immikkoortortaqarfiup akisussaaffiisa ilagaat illorsuaq, qarasaasiatigut atortorissaarutit eqqiaanerlu. Teknikkimut tunngasunik immikkoortortaqarfik qulit missaannik sulisoqarpoq.

Teknikki atatillugu ilanngutitassat: