Gavekorti Paasissutissat

Katuaq tallimanik immikkoortortaqarfeqarpoq: Aaqqissuisarfik, teknikkikkut sulisut, filmertarfik, allaffeqarfik og cafélu

 

Katuaq 19-nik atorfilittaqarpoq 42-nik akunnermusiasqartoqarluni.

Kikkut tamarmik tikilluaqqusaapput

Katuami pingaartipparput Kalaallit Nunaanneersunik eqqumiitsulianik kulturitsinnillu ilisimannittunik sulisoqarnissarput, kiisalu kalaallisut sapinngisamillu qallunaatut tuluttullu oqalussinnaasunik.

 

Taamaalilluta pulaartugut tamarmik tikilluaqqusaasutut paasineqarsinnaasutullu misiginissaat qulakkiissagatsigu.

cafétuami sulisut, café, ataatsimiinnermut saqisut

Allaffeqarfiit

Café, Ataatsimiinnerillu

Aaqqissuisut

Filmertarfik

Teknikki eqqiaasullu

Siulersuisut

  • Siulittaasoq

    Juaaka Lyberth

  • Siulersuisoq

    Naleraq Eugenius

  • Siulersuisoq

    Leif Saandvig Immanuelsen

  • Sulisunut sinniisoq

    Peter Henriksen

  • Siulersuisoq

    Rosannguaq Rossen

  • NAPA observatør

    Susanne Andreasen

Eigil Petersen nipilersortoq

Sulisut pinngorartitserusussusillit

Kulturikkut Illorsuugattami kulturikkut piginnaasallit aamma sulerusullutik soqutiginnittarput. Sulisugut arlallit eqqumiitsuliortuupput nipilersortarlutillu.

Katuami aaliangiisartut

 

Katuaq suliffeqarfiuvoq namminersortoq Namminersorlutik Oqartussanit Kommuneqarfik Sermersuumiillu aqutsinermut taperneqartartoq. Illorsuup piginnittui tassaavoq Katuaq I/S, tasssaniipput Namminersorlutik Oqartussat, Kommuneqarfik Sermersooq. Katuaq attartortuuvoq Katuaq I/S-mullu attartornermut akiliisarluni.

Katuap pisortaa

Katuami pisortaasimasut tamarmik Katuamut nunattalu kulturiannut immikkut ittumik malunniuteqarnikuupput. Maannakkut pisortaq Ivaaq Kriegel oktober 2023-mi pisortanngorpoq.

 

"Nutaamik periussisiamik maanna aallartilikkatsinni takorloorpara, suleqatigiissutissamik Kommuneqarfik Sermersooq aamma Naalakkersuisut – Aningaasaateqarfimmik Katuamik  pilersitsisut aamma tapiissuteqartartuusut pingaarnerit – nutaamik isumaqatigiissuteqarfigissallutigit, soorunalumi kommunit allat aamma. Katuaq nunatta tamarmi kulturip illorsuaraa, kommuninillu nutaamik isumaqatigiissusiornertigut Katuami aaqqissuussat amerlanerit illoqarfinnut nunaqarfinnullu allanut apuunneqarsinnaalissapput. Taamaasiornitsigut nunatsinni tamarmi eqqumiitsuliorneq kulturilu siuarsaaqataaffigineqarsinnaapputtaaq. Aamma attaveqaqatigeeriaatsit ullutsinnut naleqquttut  atorluarnerusariaqarpavut, Cafetuarlu eqqarsaatigalugu ’nerisassat kulturilu’ ataqatigiissumik eqqarsaatigalugit ’pop-up restaurantitut’ ittunik aaqqissuussisoqartarsinnaanera ilanngullugu eqqarsaatigisariaqarparput. Taamaattumik atorfigiligassanni piffissaq pissanganarluinnartussaq ornipparput, atorfittaassannilu sulilernissara qilanaareqaara"

-Ivaaq Kriegel

Siulersuisut

Nunani issittuni kulturi siuarsassallugu Katuap anguniagaaniimmat Katuami siulersuisunut ilaasortaatitallit ukuupput

 

  • Visit Greenland
  • Napa
  • Kommuuneqarfik Sermersooq
  • Eqqumiitsuliortut Kattuffiat 
  • Naalakkersuisut
  • Katuami sulisut sinniisaat
Katuap siulersuisuisa