Ukiumut inuit 50.000-it missaat Katuamut filmeriartarput filmeriartartullu ukiumikkut agguataarneri assigiinngittorujussuullutik. Inuppassuarnit ornigarneqartuummat filmertarfimmi ussassaaruteqarnissaq suliffeqarfinnut periarfissatsialaavoq.
Filmilernermi ussassaarutinut takutinneqartartunut ilanngussinissat eqqarsaatersuutigigukku paasissutissat pisariallit ukuupput:
- Ussassaarinermut suliffeqarfik paasissutissat sukumiisut tunniutereernerisa kingorna ussassaarutissamik suliaqartissavat
- Ussassaarut 20 sekundinik sivisussusilik minnerpaamik qaammatip ataatsip ingerlanerani takutinneqartussaq 2.000,- kruuninik akeqarpoq.(100 kr per sekund)
- Qaammatit tamaasa ussassaarutinnik qaammatit aappaat aallarnerfigalugu akeqanngitsumik allanngortinnissaanut pisinnaatitaaffeqarputit, qaammatit pingajussaanni ussassaarereernermi marlunnik akeqanngitsumik allanngortitsinissannut pisinnaatitaaffeqarputit il. il.
- Ussassaarutivit akulikinnerusumik allanngortittarnissaa kissaatigigukku, Katuamut 225,- kruuninik allanngortitsinermut ataatsimut akiliisassaatit.
Paasissutissat sukumiinerusut ujartorukkit