Uku piginnaasarigukkit ujarpatsigit:
-
Taalliortartoq, imal. erinarsortartoq, imal. nipilersuutinik atuisartoq imaluunniit nipilersornerup iluani allatigut suliaqartoq, soorlu teknikkeritut sulialik soorlu qullilerisoq, nipinik imaluunniit scenemik suliaqartut.
-
Nipilersornikkut piginnaasaqareersoq, ineriartoqqikkusuttoq.
-
Allanik suleqateqarnissamut, sungiusarnissamut ataatsimoorlunilu pilersitsinissamut kajumissuseqartoq.
-
Tusarnaartitsinissamut piareersarnermi piffissamik nukimmillu atuisinnaasoq.
Peqataassagaanni suna pisariaqarpa?
Peqataaneq piumassuseqarnermik najuuttarnissamillu piumasaqarpoq.
Decembar 2026-imiit februaarip 2027-mi naanerata tungaanut weekendtini, imaluunniit unnukkut piareersarnermut peqataasinnaasariaqarputit.
Marsip aallartinnerani sapaatip akunnera tamaat ullormiit unnummut ilanngullugu peqataasarnissaq naatsorsuutigineqarpoq.
Peqataasutut nipilersornikkut pilersaarusiornermik takutitsinertalimmik aallaqqaataaniit pilersitseqataassaatit, tassanilu peqataasut tamarmik naligiimmik peqataallutillu tunniussaqassapput.
Taamaalillutit nipilersornerup iluani soqutigisaqaqatinnik niviarsiaqqanik arnanillu attaveqalerlutillu, piginnaasatit ineriartortissinnaavatit.
Scenemi imaluunniit scenep tunuani misilittakkanik nutaanik pissarsisinnaallutit.
Sumi?
Katuaq, Nuuk
Qaqugu?
Piareersarneq: decembari 2026-miit marsi 2027-mut
Tusarnaartitsinerit Katuami, marsip 8-ni 2027
Qinnuteqaatit makkuninnga imaqassaaq:
-
Ateq aamma ukiut
-
Nipilersuut (instrument) atukkat imaluunniit suliaqarfik
-
Attaveqarnissamut paasissutissat (mobiltelefonip normua aamma e-maili)
-
Illoqarfik najugarisat
-
Sooq Arnaq-mi peqataarusunnerlutit
-
Nipilersornerup iluani suliaqarnermi misilittakkatit pillugit oqaluttuarit
-
Videoliaq naatsukullak nipilersornermi aamma/imaluunniit erinarsornermi takutitsisumik
Qinnuteqarnissamut killigititaq: 1. novembari 2026
Tusarfiginissat qilanaaraarput!
Qinnuteqaatit uunnga nassiuguk:
E-mail: musiccoordinator@katuaq.gl