Aia Kristiansen
Meeqqanut tusarnaartitsilersoq
Aia arfineq marlunnik ukioqarpoq.
Aia tallimanik ukioqarluni Qooqqut Festivalimi scenemi ammasumi appikkusuttorujussuulluni utaqqikatalaarluni appeqqaarpoq. Tassani appinnikuunera sassarnissaminillu nuannarisaqarpasinnera aallaaviulluni KNR-ikkut aallakaatitassiami erinarsoqquneqarnikuuvoq - erinarsoramilu nuannisarujussuarluni. Kingorna nalusaasa ilisaralugu takusimaneraraangassuk tulluusimaartartorujussuuvoq.
2. klassenngoruni meeqqanut erinarsoqatigiinnut ilaasalernissaminut qinnuteqarnikuugami nuannerunartitsisorujussuuvoq.
Erinarsornerup saniatigut Viska Horsesimi hiisternermik NuQimilu qitinnermik soqutigisaqartorujussuuvoq.
